မာရီယိုပိုလ် မြို့တွင် အပစ်အခတ်ရပ်စဲကြောင်း ရုရှားကြေညာ ယူကရိန်းက မယုံကြည်ဟုဆို
EPN
နိုင်ငံတကာ၊ မတ် ၃၁
ယူကရိန်းနိုင်ငံ မာရီယိုပိုလ် မြို့တွင် ပိတ်မိနေသည့် အရပ်သားများဘေးလွတ်ရာ ရွှေ့ပြောင်းနိုင်ရေးအတွက် ယနေ့ နံနက် ၁၀ နာရီမှ စတင်ပြီး အပစ်အခတ်ရပ်စဲကြောင်း ရုရှားကာကွယ်ရေးဝန်ကြီးဌာနက ကြေညာခဲ့သည်။
သို့သော်လည်း ယူကရိန်းသမ္မတ ဇလန်ဇကီ က ရုရှား၏ စစ်ရေးလှုပ်ရှားမှု ကတိများကို မယုံကြည်ကြောင်း နှင့် ယူကရိန်းစစ်တပ်အနေဖြင့် နိုင်ငံရဲ့ အရှေ့ဘက်မှာ နောက်ထပ်တိုက်ပွဲအတွက် ပြင်ဆင်နေကြောင်း ပြောဆိုခဲ့သည်။
ယနေ့နံနက် ၆ နာရီ (၀၃း၀၀ ဂရင်းနစ်စံတော်ချိန်) မတိုင်မီ ရုရှားဘက်မှ UNHCR နှင့် ICRC တို့ထံ စာဖြင့် အပစ်အခတ်ရပ်စဲရေးအတွက် ယူကရိန်းဘက်က အာမခံရန် ရုရှားဝန်ကြီးဌာနက ကိယက်ဗ် ကို တောင်းဆိုခဲ့သည်။
ယူကရိန်းသမ္မတ ဇလန်ဇကီ က ၎င်း၏တပ်ဖွဲ့များသည် အရှေ့ဘက်တွင် ရုရှားက ထိုးစစ်သစ်အတွက် ပြင်ဆင်နေပြီး ယူကရိန်းဘက်ကလည်း နိုင်ငံပ၏ပိုင်နက် မီတာတိုင်းအတွက် တိုက်ပွဲဝင်သွားမည်ဟု ကတိပြုထားသည်။
စစ်ရေးအခြေအနေများ တင်မာမှုရှိနေသော်လည်း မော်စကိုနှင့် ကိယက်ဗ်တို့ကြား ငြိမ်းချမ်းရေးဆွေးနွေးပွဲကို ဧပြီလ ၁ ရက်နေ့တွင် အွန်လိုင်းမှ တဆင့် ပြန်လည်စတင်သွားမည် ဖြစ်ကြောင်း ယူကရိန်းအကြီးတန်းအရာရှိတစ်ဦးက ပြောကြားခဲ့သည်။
လက်ရှိယူကရိန်းနိုင်ငံတွင် ရုရှား၏ထိုးစစ်ကြောင့် လူပေါင်း လေးသန်းကျော် ယူကရိန်းမှ တိမ်းရှောင်ခဲ့ရကြောင်း ကုလသမဂ္ဂ၏ ကိန်းဂဏန်းများက ဆိုသည်။
မော်စကိုတပ်များ ယူကရိန်းမှ မထွက်ခွာမချင်း အနောက်နိုင်ငံတွေက ရုရှားအပေါ် ပိတ်ဆို့မှုများကို မရုပ်သိမ်းသင့်ကြောင်း ဗြိတိန်ဝန်ကြီးချုပ် ဘောရစ်ဂျွန်ဆင်က တိုက်တွန်းပြောဆိုထားသည်။
Source – Aljazeera