အင္းေတာ္ႀကီးေရႊမဥၨဴဗုဒၶပူဇနိယပဲြေတာ္တြင္ ရွမ္းနီစာေပႏွင့္ယဥ္ေက်းမႈ ပေဒသာကပဲြႏွင့္ ရုိးရာျပခန္းျပဳလုပ္

ေနၾကာ
——————————————–

အင်းတော်ကြီးရွှေမဉ္ဇူဗုဒ္ဓပူဇနိယပွဲတော်တွင် ရှမ်းနီစာပေနှင့်ယဉ်ကျေးမှု ပဒေသာကပွဲနှင့် ရိုးရာပြခန်းပြုလုပ်

EPN
အင်းတော်ကြီး မတ် ၂၀

ကချင်ပြည်နယ် မိုးညှင်းခရိုင် မိုးညှင်းမြို့နယ် အင်းတော်ကြီး ရွှေမဉ္ဇူရေလည်ဘုရား ၁၅၀ကြိမ်မြောက် ဗုဒ္ဓပူဇနိယပွဲတော်တွင် ရှမ်းနီစာပေနှင့်ယဉ်ကျေးမူ ပဒေသာကပွဲနှင့် ရိုးရာပြခန်းကို တပေါင်းလဆန်း(၁၁)ရက်မှ (၁၄)ရက်နေ့ထိ (၄)ညတိုင်တိုင် ပြုလုပ်ခဲ့သည်ဟု သိရသည်။

အဆိုပါ ရှမ်းနီစာပေနှင့်ယဉ်ကျေးမူ ပဒေသာကပွဲနှင့် ရိုးရာပြခန်း တွင် အင်းတော်ကြီးဒေသရှိ ကျေးရွာအုပ်စု (၁၁)ခု၊ ရွာပေါင်း(၄၅)ရွာမှ လူငယ်မောင်မယ်များက ရှမ်းနီရိုးရာအကအလှများနှင့်အတူ စတိတ်ရှိုးကဏ္ဍများ ထည့်သွင်းကာ  ဖျော်ဖြေဧည့်ခံခဲ့ကြောင်း သိရသည်။

“အင်းတော်ကြီးဘုရား အင်းကြီးရှိနေသ၍ ရှမ်းနီလူမျိုးရိုးရာယဉ်ကျေးမှုဆိုတာအမြဲရှိနေမှာပါ၊ နှစ်စဉ်နှစ်တိုင်းကျင်းပပြု လုပ်သွားမှာပါ၊ အင်းတော်ကြီးဒေသမှာ တိမ်မြုတ်ပျောက် ကွယ်နေတဲ့ ရှမ်းနီစာပေယဉ်ကျေးမှု ရိုးရာဓလေ့ထုံးတမ်း အစဉ်လာ အသုံးအဆောင်တွေကို တစ်နှစ်မှာတစ်ကြိမ် ဖော်ထုတ်ပြသတဲ့ပွဲဖြစ်ပြီး ဒေသမှ ရှမ်းနီမျိုးနွယ်များ၏ တွေ့ဆုံနှီးနှောဖလှယ်ပွဲဖြစ်တယ်” လို့ မိုင်းနောင်ရွာနေ စာပေယဉ်ကျေးမှုကော်မတီဝင် ဦးသန်းစိန်မှပြောသည်။ 

၎င်းရှမ်းနီစာပေနှင့်ယဉ်ကျေးမူ ပဒေသာကပွဲနှင့် ရိုးရာပြခန်း ကျင်းပပြုလုပ်ခဲ့သည်မှာ ယခုဆိုလျှင် (၁၂)ကြိမ်မြောက် ရှိပြီဖြစ်ကြောင်း သိရသည်။

နေကြာ