သာကေတမြို့နယ်တွင် အနှေးယာဥ်တစ်စီးအား ကားတစ်စီးကတိုက်၍ အနှေးယာဥ်နင်းသူ အသက်ကြီးပိုင်း အမျိုးသားသေဆုံး
EPN
ရန်ကုန်၊ မတ် ၉ (၂၀၂၄)
ရန်ကုန်တိုင်း၊ သာကေတမြို့နယ်တွင် ယနေ့၊ မနက်ပိုင်းက အနှေးယာဥ်တစ်စီးကို ကားတစ်စီးမှ တိုက်မိခဲ့ကြောင်း သာကေတမြို့နယ် လူမှုကူညီရေးအဖွဲ့ထံမှ သိရသည်။
ဒီကနေ့၊ မနက် ၆ နာရီကျော်လောက်က သာကေတမြို့နယ်၊ ဝေဇယန္တာလမ်းမထိပ်၊ ဝေဇယန္တာမှတ်တိုင်တွင် ကားတစ်စီးမှ အနှေးယာဉ်တစ်စီးကို ဝင်တိုက်မိခဲ့သောကြောင့် သာကေတမြို့နယ် လူမှုကူညီရေးအဖွဲ့မှ ကူညီကယ်ဆယ်ရေးလုပ်ငန်းများ ပြုလုပ်ပေးခဲ့ကြောင်း သိရသည်။
အဆိုပါ ဖြစ်စဥ်ကြောင့် အသက် (၆၅)နှစ်ခန့်ရှိ အနှေးယာဥ်နင်းသူ အမျိုးသားမှာ ဦးခေါင်းတွင် ထိခိုက်ဒဏ်ရာ ရရှိခဲ့ပြီး၊ အခင်းဖြစ်နေရာတွင် သေဆုံးသွားခဲ့ကာ အောင်နိုင်သူ လူမှုကူညီရေးအသင်းမှ ရန်ကုန်ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။
ကျော်စိုးသူ