ဖားကန့်မြို့နယ်အတွင်း CSR လုပ်ငန်းဆောင်ရွက်မည့် နေရာများအား ပြည်နယ်သံယံဇာတဝန်ကြီး ကွင်းဆင်းစစ်ဆေး
EPN
ဖားကန့်၊ မေ ၁၀
ဝန်ကြီးနှင့်အဖွဲ့သည် ဖားကန့်မြို့အတွင်းရှိ အေးမြသာယာ (မော်မောင်းမြေထိန်းနံရံ)၊ဆိပ်မူကျေးရွာ (ယူမာ၊ ဂျန်ဂတ်ချောင်းကူးတံတား)၊ မြို့မရပ်ကွက်အထက (ဖားကန့်)မြေထိန်းနံရံ ပြုလုပ်ခြင်းလုပ်ငန်းများ အပါ အဝင် နေရာ(၁၃)နေရာမှ ဖွံ့ဖြိုးရေးလုပ်ငန်းများအား ကွင်းဆင်းကြည့်ရှုခဲ့သည်။
အဆိုပါ CSR ဖွံ့ဖြိုးရေးရံပုံငွေ လုပ်ငန်းများမှာ (၂၀၁၉-၂၀၂၀)ဘဏ္ဍာရေးနှစ်အတွင်းမှ လုပ်ငန်းများ ဖြစ်ကြောင်း သက်ဆိုင်ရာတာဝန်ရှိသူများထံမှ သိရသည်။
ကချင်ပြည်နယ်အစိုးရအဖွဲ့မှ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန ဝန်ကြီး ဦးဒါရှီလဆိုင်းသည် မေလ(၈)ရက်နေ့စတင်၍ ဖားကန့်ဒေသသို့ရောက်ရှိ၍ ဥရုချောင်းရှင်းလင်းရေးလုပ်ငန်း၊ လစ်လပ်လုပ်ကွက်များအား သစ်ပင်များပြန်လည်စိုက်ပျိုးထားရှိမှုများနှင့် အန္တရာယ်ရှိ မြေစာပုံများအား ကွင်းဆင်းကြည့်ရှုစစ်ဆေးနေကြောင်း သိရသည်။
နောင်ရိုး