ဆိုင္ကယ္စီးနင္းလာသူကိုရပ္တန္႔ရွာေဖြရာ မူးယစ္ေဆးဝါးမ်ားဖမ္းဆီးရမိ
EPN
ဟိုပင္၊ မတ္ ၁၆
ဟိုပင္နယ္ေျမရဲစခန္းမွဴးရဲအုပ္ဗ်က္ဆန္းဦးေဆာင္ၾကပ္မတ္မႈျဖင့္နယ္ထိန္းေခါင္းေဆာင္ဒုရဲအုပ္ဆုေဝဦးစီးေသာရဲတပ္ဖြဲ႕ဝင္တို႔သည့္ သက္ေသတကြင္းအုပ္ခ်ဳပ္ေရးမွဴးဦးစိုင္းေလာမန္၊ ဟိုပင္ၿမိဳ႕၊ ရပ္မိရပ္ဖဦးလွမင္းတို႔ႏွင့္အတူမတ္(၁၆)ရက္၊ ညေန(၄)နာရီခြဲအခ်ိန္ခန္႔တြင္မူးယစ္ေဆးဝါးသတင္းအရ သဲဂုဏ္ေက်း႐ြာလမ္းဆံုတြင္ေစာင့္ဆိုင္ေနစဥ္မိုးညႇင္း-ဟိုပင္ ေက်း႐ြာခ်င္းဆက္လမ္းအတိုင္း နန္းမားဘက္မွဟိုပင္ဘက္သို႔ ထြန္းေအာင္ေမာင္းႏွင္လာေသာ SHANYA-125နက္နီၾကားဆိုင္ကယ္အားရပ္တန္႔စစ္ေဆးရွာေဖြမႈျပဳလုပ္ခဲ့ေၾကာင္း သိရသည္။
ယင္းသို႔စစ္ေဆးရွာေဖြရာ ၎စီးနင္းလာသည့္ဆိုင္ကယ္ဂြၾကားတြင္ညႇပ္ထားသည့္Viictor စာတမ္းပါ အနီေရာင္အကြက္အက်ႌျဖင့္ထုတ္ကာ အနက္ေရာင္ႂကြပ္ႂကြပ္အိတ္ျဖင့္ထပ္မံထုတ္ထားသည့္လLove is Flowerbစာတမ္းပါ ေရာင္စံုဆပ္ျပာခြက္အတြင္းအၾကည္ေရာင္ပလပ္စတစ္ျဖင့္ထုပ္လ်ွက္ ဘိန္းျဖဴဟုယူဆရေသာျဖဴ/ဝါၾကားေရာင္အမႈန္႔အေလးခ်ိန္(၁၀)ဂရမ္ခန္႔စီပါ(၃)ခြက္၊ စုစုေပါင္းအေလးခ်ိန္(၃၀)ဂရမ္ခန္႔ ရွာေဖြေတြ႕ရွိသျဖင့္ ဒုရဲအုပ္ဆုေဝက သက္ေသမ်ားေရွ႕တြင္ရွာေဖြပံုစံေရးသြင္းခဲ့ေၾကာင္းရဲမွတ္တမ္းအရသိရသည္။
မူးယစ္ေဆးဝါးလက္ဝယ္ေတြ႕ရွိသူ ထြန္းေအာင္၊ အသက္(၃၂)ႏွစ္၊ (ဘ)ဦးေမာင္ေမာင္ႏိုင္၊ ၿမိဳ႕ဦးရပ္ကြက္၊ နမၼတီးၿမိဳ႕၊ မိုးေကာင္းၿမိဳ႕နယ္ေနထိုင္သူကို မယ(ပ)၁၇/၂၀၁၉၊ မူး/စိတ္ပုဒ္မ၁၉(က)ျဖင့္ဟိုပင္နယ္ေျမရဲစခန္းကအမႈဖြင့္ေဆာင္႐ြက္ထားေၾကာင္းသိရသည္။
ခ်စ္သား
—————————————–
ဆိုင်ကယ်စီးနင်းလာသူကိုရပ်တန့်ရှာဖွေရာ မူးယစ်ဆေးဝါးများဖမ်းဆီးရမိ
EPN
ဟိုပင်၊ မတ် ၁၆
ကချင်ပြည်နယ်၊ ဟိုပင်မြို့၊ သဲဂုဏ်လမ်းဆုံတွင်ယနေ့၊ ညနေ(၄)နာရီခွဲအချိန်ခန့်က နန်းမားဘက်မှ ဟိုပင်ဘက်သို့ ဆိုင်ကယ်စီးနင်းလာသူကို ရပ်တန့်ရှာဖွေရာမူးယစ်ဆေးဝါးများဖမ်းဆီးရမိခဲ့ကြောင်း ဟိုပင်နယ်မြေရဲစခန်းမှသိရသည်။
ဟိုပင်နယ်မြေရဲစခန်းမှူးရဲအုပ်ဗျက်ဆန်းဦးဆောင်ကြပ်မတ်မှုဖြင့်နယ်ထိန်းခေါင်းဆောင်ဒုရဲအုပ်ဆုဝေဦးစီးသောရဲတပ်ဖွဲ့ဝင်တို့သည့် သက်သေတကွင်းအုပ်ချုပ်ရေးမှူးဦးစိုင်းလောမန်၊ ဟိုပင်မြို့၊ ရပ်မိရပ်ဖဦးလှမင်းတို့နှင့်အတူမတ်(၁၆)ရက်၊ ညနေ(၄)နာရီခွဲအချိန်ခန့်တွင်မူးယစ်ဆေးဝါးသတင်းအရ သဲဂုဏ်ကျေးရွာလမ်းဆုံတွင်စောင့်ဆိုင်နေစဉ်မိုးညှင်း-ဟိုပင် ကျေးရွာချင်းဆက်လမ်းအတိုင်း နန်းမားဘက်မှဟိုပင်ဘက်သို့ ထွန်းအောင်မောင်းနှင်လာသော SHANYA-125နက်နီကြားဆိုင်ကယ်အားရပ်တန့်စစ်ဆေးရှာဖွေမှုပြုလုပ်ခဲ့ကြောင်း သိရသည်။
ယင်းသို့စစ်ဆေးရှာဖွေရာ ၎င်းစီးနင်းလာသည့်ဆိုင်ကယ်ဂွကြားတွင်ညှပ်ထားသည့်Viictor စာတမ်းပါ အနီရောင်အကွက်အင်္ကျီဖြင့်ထုတ်ကာ အနက်ရောင်ကြွပ်ကြွပ်အိတ်ဖြင့်ထပ်မံထုတ်ထားသည့်လLove is Flowerbစာတမ်းပါ ရောင်စုံဆပ်ပြာခွက်အတွင်းအကြည်ရောင်ပလပ်စတစ်ဖြင့်ထုပ်လျှက် ဘိန်းဖြူဟုယူဆရသောဖြူ/ဝါကြားရောင်အမှုန့်အလေးချိန်(၁၀)ဂရမ်ခန့်စီပါ(၃)ခွက်၊ စုစုပေါင်းအလေးချိန်(၃၀)ဂရမ်ခန့် ရှာဖွေတွေ့ရှိသဖြင့် ဒုရဲအုပ်ဆုဝေက သက်သေများရှေ့တွင်ရှာဖွေပုံစံရေးသွင်းခဲ့ကြောင်းရဲမှတ်တမ်းအရသိရသည်။
မူးယစ်ဆေးဝါးလက်ဝယ်တွေ့ရှိသူ ထွန်းအောင်၊ အသက်(၃၂)နှစ်၊ (ဘ)ဦးမောင်မောင်နိုင်၊ မြို့ဦးရပ်ကွက်၊ နမ္မတီးမြို့၊ မိုးကောင်းမြို့နယ်နေထိုင်သူကို မယ(ပ)၁၇/၂၀၁၉၊ မူး/စိတ်ပုဒ်မ၁၉(က)ဖြင့်ဟိုပင်နယ်မြေရဲစခန်းကအမှုဖွင့်ဆောင်ရွက်ထားကြောင်းသိရသည်။
ချစ်သား