မိုးညႇင္းဒီဂရီေကာလိပ္တြင္ ဘာသာရပ္ေပါင္းစံု ဆရာ၊ ဆရာမမ်ား၏ အဂၤလိပ္စာစြမ္းရည္ျမႇင့္တင္ေရး သင္တန္းဆင္းပြဲျပဳလုပ္
EPN
မိုးညႇင္း၊ မတ္ ၁၁
၂၀၁၈-၂၀၁၉ ပညာသင္နွစ္မိုးညႇင္းဒီဂရီေကာလိပ္မွ ဆရာ ဆရာမမ်ား၏ အဂၤလိပ္စာစြမ္းရည္ျမႇင့္တင္ရန္အတြက္“Improving Listening Speaking Skills through Shadowing Technique” သင္တန္းဆင္းပဲြကို မိုးညႇင္းဒီဂရီေကာလိပ္ေတြ႕ဆံုခန္းတြင္ (၁၁-၃-၂၀၁၉)ရက္ေန႔၊ မြန္းလဲြ ၃နာရီအခ်ိန္တြင္ က်င္းပခ့ဲသည္။
“သင္တန္းဖြင့္လွစ္ရတဲ့ရည္ရြယ္ခ်က္ကေတာ့
မိုးညႇင္းဒီဂရီေကာလိပ္ ဘာသာရပ္ဌာနအသီးသီးမွာရိွတဲ့
ဆရာ၊ ဆရာမမ်ားအတြက္ အဂၤလိပ္စာစြမ္းရည္ျမႇင့္တင္ရန္ရည္႐ြယ္ဖြင့္လွစ္ခ့ဲ့တာျဖစ္တယ္လို႕” အဆိုပါေက်ာင္းမွ ေမာ္ကြန္းထိမ္း ဦးေစာဝင္းျမင့္ထြန္း က ေျပာသည္။
အဆိုပါ သင္တန္းတြင္Instructor အျဖစ္ ေဒါက္တာမြန္မြန္ေဝ၊ တဲြဖက္ပါေမာကၡ (ဌာနမႈး) အဂၤလိပ္စာဌာနမွ ေဆာင္႐ြက္ၿပီး Audio Visual Aids မ်ားျဖစ္ၾကေသာ Projector နွင႔္Sound Box မ်ား အကူအညီျဖင့္ Shadowing Technique ကို ေလ့က်င့္ခဲ့ၾကေၾကာင္းသိရသည္။
၎ သင္တန္းဆင္းပဲြသို႔ မိုးညႇင္းဒီဂရီေကာလိပ္ ေခတၱေက်ာင္းအုပ္ႀကီးေဒါက္တာလြင္လြင္(ပါေမာကၡ၊ ဌာနမွဴး) ျမန္မာစာဌာနနွင႔္ဘာသာရပ္အသီးသီးမွ ပါေမာကၡ(ဌာနမႈး)မ်ား၊ တဲြဖက္ပါေမာကၡမ်ား၊ ကထိကမ်ား၊ လက္ေထာက္ကထိကမ်ား၊ နည္းျပ သရုပ္ျပမ်ား၊ သင္တန္းသား သင္တန္းသူ
ဆရာ ဆရာမမ်ား စုံညီစြာတက္ေရာက္ခဲ့ၾကသည္။
မတ္လ ၄ရက္မွ မတ္လ ၁၁ ရက္ေန႕အထိ ရက္သတၱတစ္ပတ္ၾကာဖြင့္လွစ္ခဲ့သည့္ အဆိုပါသင္တန္းသို႕ မိုးညႇင္းဒီဂရီေကာလိပ္ေက်ာင္းရိွ ဘာသာရပ္ဌာနအသီးသီးမွ သင္တန္းသား ဆရာ၊ ဆရာမ စုစုေပါင္း( ၅၃ )ဦးတက္ေရာက္ခဲ့ေၾကာင္း သိရပါသည္။
မိုးျမင့္
———————————————————————
မိုးညှင်းဒီဂရီကောလိပ်တွင် ဘာသာရပ်ပေါင်းစုံ ဆရာ၊ ဆရာမများ၏ အင်္ဂလိပ်စာစွမ်းရည်မြှင့်တင်ရေး သင်တန်းဆင်းပွဲပြုလုပ်
EPN
မိုးညှင်း၊ မတ် ၁၁
၂၀၁၈-၂၀၁၉ ပညာသင်နှစ် မိုးညှင်းဒီဂရီကောလိပ်မှ ဆရာ ဆရာမများ၏ အင်္ဂလိပ်စာစွမ်းရည်မြှင့်တင်ရန်အတွက် “Improving Listening Speaking Skills through Shadowing Technique” သင်တန်းဆင်းပွဲကို မိုးညှင်းဒီဂရီကောလိပ် တွေ့ဆုံခန်းတွင် (၁၁-၃-၂၀၁၉)ရက်နေ့၊ မွန်းလွဲ ၃နာရီအချိန်တွင် ကျင်းပခဲ့သည်။
“သင်တန်းဖွင့်လှစ်ရတဲ့ရည်ရွယ်ချက်ကတော့ မိုးညှင်းဒီဂရီကောလိပ် ဘာသာရပ်ဌာနအသီးသီးမှာရှိတဲ့
ဆရာ၊ ဆရာမများအတွက် အင်္ဂလိပ်စာစွမ်းရည်မြှင့်တင်ရန်ရည်ရွယ်ဖွင့်လှစ်ခဲ့တာဖြစ်တယ်လို့” အဆိုပါကျောင်းမှ မော်ကွန်းထိမ်း ဦးစောဝင်းမြင့်ထွန်း က ပြောသည္။
အဆိုပါ သင်တန်းတွင် Instructor အဖြစ် ဒေါက်တာမွန်မွန်ဝေ၊ တွဲဖက်ပါမောက္ခ (ဌာနမှုး) အင်္ဂလိပ်စာဌာနမှဆောင်ရွက်ပြီး Audio Visual Aids များဖြစ်ကြသော Projector နှင့် Sound Box များ အကူအညီဖြင့် Shadowing Technique ကို လေ့ကျင့်ခဲ့ကြကြောင်းသိရသည်။
၎င်း သင်တန်းဆင်းပွဲသို့ မိုးညှင်းဒီဂရီကောလိပ် ခေတ္တကျောင်းအုပ်ကြီးဒေါက်တာလွင်လွင်(ပါမောက္ခ၊ ဌာနမှူး) မြန်မာစာဌာနနှင့် ဘာသာရပ်အသီးသီးမှပါမောက္ခ(ဌာနမှုး)များ၊ တွဲဖက်ပါမောက္ခများ၊ ကထိကများ၊ လက်ထောက်ကထိကများ၊ နည်းပြ သရုပ်ပြများ၊ သင်တန်းသား သင်တန်းသူ
ဆရာ ဆရာမများ စုံညီစွာတက်ရောက်ခဲ့ကြသည်။
မတ်လ ၄ရက်မှ မတ်လ ၁၁ ရက်နေ့အထိ ရက်သတ္တတစ်ပတ်ကြာဖွင့်လှစ်ခဲ့သည့် အဆိုပါသင်တန်းသို့ မိုးညှင်းဒီဂရီကောလိပ်ကျောင်းရှိ ဘာသာရပ်ဌာနအသီးသီးမှ သင်တန်းသား ဆရာ၊ ဆရာမ စုစုပေါင်း( ၅၃ )ဦးတက်ရောက်ခဲ့ကြောင်း သိရပါသည်။
မိုးမြင့်