ျမစ္ႀကီးနားၿမိဳ႕တြင္ ေရႊဘိုေဘးက်ား (ေခၚ) ေပၚဆန္းေမႊးဆန္ေစ်း သိသိသာသာ ျမင့္တက္

မြစ်ကြီးနားမြို့တွင် ရွှေဘိုဘေးကျား(ခေါ်) ပေါ်ဆန်းမွှေး ဆန်းဈေး ယခုလပိုင်းအတွင်း သိသိသာသာ မြင့်တက်လျက်ရှိပြီး အခြားဆန်ဈေးနှုန်းများလည်း အနည်းငယ်မြင့်တက်နေကြောင်း မြစ်ကြီးနားရှိ ဆန်ကုန်သည်များထံမှသိ ရသည်။

ယခုကဲ့သို့ ဈေးမြင့်တက်လာရခြင်းမှာ ရန်ကုန်ဆန်ကုန်သည်ကြီးများမှ export လက်ဆွဲသည့်အတွက် ဖြစ်ကြောင်း မြစ်ကြီးနားမြို့တွင်ရောင်းချနေသည့် ဆန်ကုန်သည် ဦးထွန်းထွန်း က ပြောသည်။

“ဒီရက်ပိုင်းမှာ ရွှေဘိုဘက်ကလာတဲ့ ပေါ်ဆန်းမွှေးပေါ့ အဲ့ဒါကတော့ တစ်အိတ်ကို ၅၀၀၀ /၆၀၀၀ လောက်ထိတက်သွားတယ် ရန်ကုန် export လက်ဆွဲတဲ့အတွက် ရွှေဘို မှာ ဈေးတက်တော့ ဒီမှာ လည်း တက်တာပေါ့” ဟု ၎င်းကပြောသည်။

ယခုရာသီသည် ပေါ်ဆန်းဆန်ဈေး တက်နေကျဖြစ်သော်လည်း ဒီနှစ်မှာတော့ သိသိသာသာ တက်သွားကြောင်း မြစ်ကြီးနားမြို့ရှိ ကောင်းလိုက် ဆန်ရောင်းဝယ်ရေးမှ ဒေါ်သိမ့်သိမ့်သူ ကပြောသည်။

“ ဒီရာသီကတော့ ပုံမှန် ဈေးတက်နေကြပါ အရင်နှစ်တွေကတော့ တစ်လလုံးနေမှ ၂၀၀၀/၃၀၀၀ လောက်ဘဲတက်တာ ဒီနှစ်က တစ်အိတ်ကို ၆၀၀၀/၇၀၀၀ လောက်ထိကိုတက်သွားတာ ဆန်အသစ်လည်း ပေါ်တော့မှာဆိုတော့ တစ်ချို့ အဟောင်း ကြိုက်တဲ့သူတွေက ဈေးပေးပြီးဝယ်နေကြတော့ ဈေးက အရမ်းကိုတက်နေတာ”ဟု၎င်းကပြောသည်။

မြစ်ကြီးမြို့တွင် ရွှေဘို၊ မန္တလေး၊ မြောင်းမြ စသည့်ဒေသများမှ ထွက်သည့် ပေါ်ဆန်းဆန်မွှေးကို တင်သွင်း ရောင်းချနေကြသော်လည်း ရွှေဘိုဘေးကျား(ခေါ်) ပေါ်ဆန်းမွှေး ဆန်မှာ အရည်အသွေးကောင်းသည့်အတွက် လူကြိုက်များလေ့ရှိကြောင်း ဆန်ကုန်သည်များထံမှ သိရသည်။

ယခင်လက ပေါ်ဆန်းမွှေးဆန် တစ်ပြည်လျှင် ၂၁၀၀ ကျပ်ဖြင့်ရောင်းချခဲ့ရာမှ ယခုအချိန်တွင် ၂၅၀၀ကျပ် ထိ ဈေးမြင့်တက်ရောင်းချနေရပြီး တစ်အိတ်လျှင် ယခင်လက ၅၁၀၀၀ ရောင်းချခဲ့ရာမှ ယခုအချိန်တွင် ၅၇၀၀၀/၅၈၀၀၀ ရောင်းချနေကြောင်း သိရသည်။

အလားတူ မှော်ဘီဆန်တစ်အိတ်လျှင် ၂၉၀၀၀ မှ ၃၀၀၀၀ ၊ ပဒေသာတစ်အိတ်လျှင် ၄၃၀၀၀ မှ ၄၇၀၀၀၊ ဧရာမင်းတစ်အိတ်လျှင် ၄၅၀၀၀ မှ ၄၇၀၀၀ မြင့်တက်လျက်ရှိကြောင်း သိရသည်။

သွယ်သွယ်