နန့်စီးအောင်ပူးပေါင်းစစ်ဆေးရေးဂိတ်တွင် အိမ်စီးကားတစ်စီးပေါ်မှ ကျည်ဆံများနှင့် ကျောက်စိမ်းအရိုင်းတုံးများ ဖမ်းဆီးရမိ
EPN
မြစ်ကြီးနား ၊ဇွန်လ ၂၁
ကချင်ပြည်နယ် မိုးညှင်းမြို့ နန့်စီးအောင်ပူးပေါင်းစစ်ဆေးရေးဂိတ်တွင် မော်တော်ယာဉ်တစ်စီးပေါ်မှ ကျည်ဆံများနှင့် ကျောက်စိမ်းအရိုင်းတုံးများ ဖမ်းဆီးရမိသည့် ဖြစ်စဉ်တစ်ခု ယမန်နေ့ နေ့လည် ၁၁ နာရီခွဲအချိန်ခန့်က ဖြစ်ပေါ်ခဲ့ကြောင်း မိုးညှင်းမြို့မရဲစခန်းမှ သိရသည်။
ဖြစ်စဉ်မှာ မိုးညှင်းမြို့ နန့်စီးအောင်ပူးပေါင်းစစ်ဆေးရေးဂိတ်တွင် တာဝန်ရှိသူများမှ စစ်ဆေးဆောင်ရွက်နေစဉ်တွင် ဖားကန့်-ဆိုင်းတောင်မှ မန္တလေးမြို့သို့ ထွက်ခါွလာသော ယာဉ်မောင်း ဝင်းနိုင်စိုး မောင်းနှင်းပြီး ခရီးသည် ကျား (၄)ဦးလိုက်ပါလာသည့် TOYATA lpsum လိုင်စင်ရှိ မော်တော်ယာဉ်အား ရပ်တန့်စစ်ဆေးရှာဖွေရာ ကားခေါင်းခန်းအင်ဂျင်ခန်းအတွင်း အဲယားကလင်ဒါ အဖုံးအောက် ပလပ်စတစ်အမဲရောင်အိပ်ငယ်(၂)အိပ်ဖြင့် ထည့်ထားသော 7.62×39ကျည်အမျိုးအစား (၂၀၀)တောင့်၊ ဝိုက်ဘာအံအတွင်းမှ ပလပ်စတစ်အမဲရောင် အိပ်ငယ် (၃)အိပ်ဖြင့်ထည့်ထားသော 7.62×39ကျည်အမျိုးအစား (၃၁၆)တောင့်၊ စုစုပေါင်းကျည် (၅၁၆)တောင့်၊ရှေ့ထွက်မိုင်း(အဟောင်း) အမြင့် ၄.၃ လက်မ၊ အချင်း ၃ လက်မခန့်ရှိ အကြီး(၂)လုံး၊အမြင့် ၃.၈ လက်၊အချင်း ၁.၈ လက်မခန့်ရှိ အသေး(၆)လုံး၊ စနက်တံ(၅)ခု၊ ကားနောက်ဖုံးအတွင်း ဘယ်ဘက်အံဝှက်ထဲမှ အဝါရောင် တိတ်ဖြင့်ပတ်ထားသော ကျောက်စိမ်းဟုယူဆရသည့် ကျောက်ဖျက်စ (၇)လုံးတို့အား ရှာဖွေတွေ့ရှိသိမ်းဆည်းခဲ့ခြင်းဖြစ်သည်။
အဆိုပါ ဖြစ်စဉ်နှင့် ပတ်သက်၍ ကျည်ဆံများနှင့် ကျောက်စိမ်းအရိုင်းတုံးများအား သယ်ဆောင်လာသည့် ယာဉ်မောင်းအား မိုးညှင်းမြို့မရဲစခန်းတွင် အမှုဖွင့် အရေးယူ ဆောင်ရွက်လျှက်ရှိကြောင်း သိရသည်။
လင်းယုန်