မြစ်ကြီးနားမြို့တွင် လျှပ်စစ်မီးအား အတက်အကျကြောင့် မိန်းခုံအပူလွန်ကဲကာ နှစ်ထပ်အိမ်တစ်လုံးမီးလောင်မှုဖြစ်ပွား
EPN
မြစ်ကြီးနား ၊ သြဂုတ် ၉
ကချင်ပြည်နယ် မြစ်ကြီးနားမြို့၊ ဒူကထောင်ရပ်ကွက်တွင် ယမန်နေ့ သြဂုတ်လ ၈ ရက်နေ့ ညနေ၃ နာရီခန့်က လျှပ်စစ်မီးအား အတက်အကျကြောင့် လျှပ်စစ် မိန်းခုံ အပူလွန်ကဲကာ နှစ်ထပ်အိမ် တစ်လုံးမီးလောင် ဆုံးရှုံးခဲ့ကြောင်း မြစ်ကြီးနားမြို့နယ် မီးသတ်ဦးစီးဌာနမှ သိရသည်။
ဒူကထောင်ရပ်ကွက် နယ်မြေ ၇ အတွင်းရှိ နှစ်ထပ်အိမ်တစ်လုံးတွင် ယမန်နေ့က လျှပ်စစ်မီးမငြိမ် မှုကြောင့် အိမ်အတွင်းရှိ လျှပ်စစ်မိန်းခုံ အပူလွန်ကဲကာ မီးလောင်မှုဖြစ်ပွားခဲ့ပြီး အနီးရှိ အိမ်ထရံကို မီးကူးကာ မီးစတင်လောက်ကျွမ်းခဲ့ကြောင်း မြစ်ကြီးနားမြို့နယ် မီးသတ်ဦးစီးဌာနမှ တာဝန်ရှိသူတစ်ဦးကပြောသည်။
” နေအိမ်မှာတော့ လူနေအိမ်ဟုတ်တယ်၊ ဒါပေမဲ့ မီးလောင်မှု စဖြစ်ချိန်မှာ အိမ်နေလူတွေက အပြင်ရောက်နေကြတယ်၊ အိမ်မှ တစ်ယောက်မှ ရှိမနေခဲ့ကြဘူး၊ လျှပ်စစ်မီးက အတက်အကျနဲ့ မငြိမ်တဲ့အတွက် အပူလွန်ကဲလာတယ် အဲ့ကနေ အိမ်က ထရံကာ နှစ်ထပ်အိမ်ဆိုတော့ ထံရံကိုမီးကူးသွားခဲ့တယ် ၊ အဲ့ကနေ မီးက စတင်ပြီး လောင်ကျွမ်းခဲ့တာဖြစ်တယ်၊ ” ဟု ၎င်းကပြောသည်။
အဆိုပါ မီးလောင်မှုကြောင့် အလျား ပေ ၃၀၊ အနံ ပေ ၂၀ခန့်ရှိ ထရံကာ နှစ်ထပ်အိမ်တစ်လုံး၊ ဆိုင်ကယ်တစ်စီး၊ အိမ်တွင်းရှိ ပစ္စည်းအချို့ မီးလောင်ဆုံးရှုံးခဲ့ရကြောင်းသိရသည်။
ယင်းမီးလောင်မှုကြောင့် အိမ်ရှင်ဖြစ်သူအသက် ၃၂ နှစ်အရွယ် ဒေါ် ဂျာအောန်ဆိုင်းကို မြစ်ကြီးနားမြို့ မြို့မရဲစခန်းတွင် ဥပဒေပုဒ်မ ၂၈၅ ဖြင့် အမှုဖွင့် အရေးယူဆောင်ရွက်လျှက်ရှိကြောင်းသိရသည်။
ဗညားနွဲ့