EPN
ရွှေကူ၊ ဧပြီ ၂၃
ကချင်ပြည်နယ် ရွှေကူမြို့နယ် မိုးစစ်-လိပ်စင်းကျောက်ချော လမ်းဘေးသစ်တောအစပ်တွင် အမျိုးသမီး တစ်ဦး စီးလာသော ဆိုင်ကယ်ပေါ်မှ ကြိမ်ခြင်း အတွင်း ငွေကျပ်သိန်းပေါင်း ၁၅၄၀ ကျော် တန်ဘိုးရှိ WYစာတမ်းပါ ပန်းရောင်ဆေးပြား ၇၇၀၀၀ ပြား ဖမ်းစီးရမိခဲ့ကြောင်း ခရိုင်ရဲတပ်ဖွဲ့ထံမှ သိရသည်။
ဖြစ်စဉ်မှာ ရွှေကူမြို့မ ရဲစခန်းမှူး ဒုရဲမှူးဟန်မွှေးနှင့် တပ်ဖွဲ့ဝင်များ၊ ရွှေကူမြို အမှတ်(၃)ရပ်ကွက်၊ ဘောဂဗလမှ ဆယ်အိမ်မှူး ဦးကိုကိုလွင်ပါ (၃)ဦး တို့သည် မူးယစ်သတင်းအရ ဧပြီလ၂၂ရက်နေ့ နံနက်၆ နာရီအချိန် က ဗန်းမော်-ကသာ ကားလမ်းနှင့် ၂ မိုင်ခန့်အကွာ မိုးစစ်-လိပ်စင်းကျောက်ချောလမ်းဘေး သစ်တောအစပ် တွင်အသင့်စောင့်ဆိုင်းနေစဉ် လိပ်စင်းကျေးရွာနေ စားသောက်ဆိုင်လုပ်ငန်းလုပ်ကိုင်သူ ဒေါ်မြဦးမောင်းနှင် လာသော Yinxing 125 ဆိုင်ကယ်အစိမ်းရောင် အား ရပ်တန့်ရှာဖွေစစ်ဆေးခဲ့ရာ ဆိုင်ကယ်ပေါ်ရှိ ကြိမ်ခြင်းတစ်လုံးတွင် ပီနံအိတ် နှစ်ထပ်ဖြင့် ထည့်ထားပြီး အဝါရောင်တိတ်များ ပတ်ထားသော အထုပ်အတွင်း အပြာရောင် ကပ်ခါွ အိတ်တစ်အိတ် လျှင် WY စာတမ်းပါ ပန်းရောင် ဆေးပြား ၂၀၀ ပြားစီပါ ၅၀အိတ်။ ဆေးပြား (၁၀၀၀၀ )ပါ စုပေါင်းထုတ်ထားသည့်အထုပ် (၇ )ထုပ်။ ဆေးပြား (၇၀၀၀၀) အလေးချိန် (၇၀၀၀)ဂရမ် နှင့် ဖွင့်ဖေါက်ထားသောအထုပ်ကြီး တစ်ထုပ်အတွင်း၌ အပြာရောင်ကပ်ခါွအိတ်တစ်အိတ် အတွင်းမှ WYစာတမ်းပါ ပန်းရောင် ဆေးပြား ၂၀၀ ပြားစီပါ ၃၅ အိတ်၊ အလေးချိန် (၇၀၀)ဂရမ်ရှိ ဆေးပြား( ၇၀၀၀)ပြား၊ အလေးချိန် (၇၇၀၀)ဂရမ် ရှိစုစုပေါင်းပန်းရောင်ဆေးပြား ၇၇၀၀၀ ကာလတန်ဘိုငွေကျပ်သိန်းပေါင်း ၁၅၄၀ ရှာဖွေ တွေ့ရှိခဲ့သဖြင့် သက်သေများရှေ့တွင် ရှာဖွေပုံစံဖြင့် သိမ်းဆည်းခဲ့ပြီး ပြစ်မှု ကျူလွန်သူကိုဖမ်းဆီးခဲ့ကြောင်း သိရသည်။
ဖြစ်စဉ်နှင့်ပတ်သက်၍ ရွှေကူမြိ ု့မရဲစခန်းမှ ဒုရဲမှူး ဟန်မွှေး က တရားလိုပြု လုပ်တိုင်တန်းခဲ့ရာ ဒေါ်မြဦး၊ (၄၇ )နှစ်၊ (ဘ )ဦးချစ်တင်၊ မြို့ကုန်းကျေးရွာ၊ ရွှေကူမြိုနယ် နေသူအား မယ(ပ) ၂၁/၂၀၁၉၊ မူး/စိတ် ပုဒ်မ ၁၉ (က)အရ အမှု ဖွင့်၍ အမှုစစ် ဒုရဲ အုပ်ဆန်းလွင်ဦးက စစ်ဆေးအရေးယူ ဆောင်ရွက်လျှက်ရှိသည်။
အဆိုပါ ဆေးပြားများကို ပြစ်မှုကျူးလွန်သူက မြို့လှမြို့၊ အုပ်ချီကျေးရွာ အနောက်ဖက်(၇) မိုင်ခန့်တွင် အသက်၃၅ နှစ်ခန့်ရှိ အမျိုးသားတစ်ဦးထံမှ ဆေးပြား ၈၀၀၀၀ ကို ငွေကျပ်သိန်း ၄၀ ဖြင့် ဝယ်ယူခဲ့ပြီး ရောင်း ချခဲ့ရာ ဆးပြား ၇၇၀၀၀ ပြားကျန်ရှိသည်ကို စစ်ဆေးပေါ်ပေါက်ခဲ့ကြောင်း ရဲစက္ကူ မှတ်တမ်းအရ သိရသည်။
ဗန်းမော်သုခမိန်