(၃၀)ကြိမ်မြောက် အာဆီယံနိုင်ငံတပ်မတော် (ကြည်း) သေနတ်ပစ်ပြိုင်ပွဲတွင် မြန်မာ့တပ်မတော် သေနတ်ပစ် အသင်း ရွှေတံဆိပ် ၁၂ ခုအပါအဝင် ဆုတံဆိပ် ၃၂ ခုဆွတ်ခူးနိုင်ခဲ့
EPN
နေပြည်တော် ၊နိုဝင်ဘာ ၁၄
ဗီယက်နမ်နိုင်ငံတွင် နိုဝင်ဘာ ၄ ရက်မှ ၁၁ ရက်အထိ ကျင်းပခဲ့သည့် (၃၀)ကြိမ်မြောက် အာဆီယံနိုင်ငံတပ်မတော်(ကြည်း)သေနတ်ပစ်ပြိုင်ပွဲတွင် မြန်မာ့တပ်မတော်သေနတ်ပစ်အသင်းမှ ရွှေတံ ဆိပ် ၁၂ ခု၊ငွေတံဆိပ် ၁၂ ခု၊ကြေးတံဆိပ် ၈ ခု (စုစုပေါင်း ဆုတံဆိပ် ၃၂ ခု)ဆွတ်ခူးရရှိခဲ့သည်။
ထို့ပြင် နိုင်ငံအလိုက် ဆုတံဆိပ်ရရှိမှုတွင်လည်း စတုတ္ထနေရာ၌ ရပ်တည်နိုင်ခဲ့ကာ ပစ္စတိုအမျိုး သားအသင်း၊ပစ္စတိုအမျိုးသမီးအသင်း၊ကာဘိုင်အမျိုးသားအသင်း၊ရိုင်ဖယ်အမျိုးသားအသင်းနှင့်စက်သေနတ်အမျိုးသားအသင်းတို့ ဝင်ရောက်ယှဉ်ပြိုင်ခဲ့ကြသည်။
ထိုသို့ ဝင်ရောက်ယှဉ်ပြိုင်ပြီးနောက် အမှတ်ပေးပြိုင်ပွဲတွင် ရွှေတံဆိပ် ၆ ခု၊ ငွေတံဆိပ် ၆ ခု၊ ကြေးတံဆိပ် ၄ ခု၊ ထိလဲပြားပစ်ခတ်စဉ်ပြိုင်ပွဲတွင် ရွှေတံဆိပ် ၆ ခု၊ ငွေတံဆိပ် ၆ ခု၊ ကြေးတံဆိပ် ၄ ခု တို့ရရှိခဲ့ခြင်းဖြစ်သည်။
နိုင်ငံအလိုက်ဆုတံဆိပ်ရရှိမှုတွင် ဗီယက်နမ်နိုင်ငံမှ ပထမ၊ အင်ဒိုနီးရှားနိုင်ငံမှ ဒုတိယ၊ ဖီလစ်ပိုင်နိုင်ငံမှ တတိယ အသီးသီးရရှိခဲ့ပြီး လာအိုနိုင်ငံတပ်မ တော်သေနတ်ပစ်အသင်းသည် မြန်မာ့တပ်မတော် သေနတ်ပစ်အသင်းနည်းတူ ဆုတံဆိပ်ရရှိခဲ့သော် လည်း ရိုင်ဖယ်ပစ်ခတ်စဉ်ပြိုင်ပွဲအမှတ်ပေးပွဲစဉ် (၁)တွင် မြန်မာအသင်းမှရမှတ်ပေါင်း ၃၃၅ ဒသမ ၁၄ မှတ်ရရှိခဲ့ပြီး လာအိုအသင်းမှာရမှတ်ပေါင်း ၂၂၀ ဒသမ ၀၅ မှတ်သာရရှိခဲ့၍ နိုင်ငံအလိုက်အ ဆင့်သတ်မှတ်ချက်တွင် မြန်မာနိုင်ငံမှစတုတ္ထရရှိခဲ့ခြင်းဖြစ်သည်။
မြန်မာ့တပ်မတော်သေနတ်ပစ်အသင်းတွင် အ သင်းခေါင်း ဆောင်အဖြစ် ဒု-ဗိုလ်မှူးကြီးသိန်းစိုးထွန်း ဦး ဆောင်၍ အုပ်ချုပ်သူ၊နည်းပြများနှင့်သေနတ်ပစ်အားကစားသမား(စုစုပေါင်း ၄၂ ဦး) တို့ ပါဝင်ခဲ့သည်။
မြန်မာ့တပ်မတော်သေနတ်ပစ်အသင်းသည် နိုဝင်လဘာ ၁၂ ရက်မွန်းလွဲပိုင်းတွင် နေပြည်တော်လေ ဆိပ်သို့ ပြန်လည်ရောက်ရှိခဲ့ရာ ကာကွယ်ရေးဦး စီးချုပ်ရုံး(ကြည်း)မှ ဒု-ဗိုလ်ချုပ်ကြီး သန်းထွန်းဦးနှင့်တပ်မတော်အရာရှိကြီးများက ကြိုဆိုခဲ့ကြသည်။