မိုးကောင်းမြို့၌ (၇၄) နှစ်မြောက် မီးသတ်တပ်ဖွဲ့နေ့ အခမ်းအနားမကျင်းပတော့ဘဲ လူထုအကျိုးပြု လုပ်ငန်းသာ ဆောင်ရွက်မည်ဟုဆို
EPN
မိုးကောင်း၊ မေ ၄
ကချင်ပြည်နယ် မိုးကောင်းမြို့တွင် မေ (၄)ရက် ညနေ(၃)နာရီအချိန်က မေလ (၅)ရက် နေ့တွင် ကျရောက်သည့် မြန်မာနိုင်ငံ မီးသတ်တပ်ဖွဲ့နေ့ကို ဂုဏ်ပြုကြိုဆိုသောအားဖြင့် မြို့နယ်မီးသတ်ဦးစီးမှူး ချမ်းငြိမ်းသူဦးစီး သန္ဓေ(၁၄)ဦးနှင့် အရန်(၁၅)ဦးနှင့် တပ်ဖွဲ့ဝင်မိသားစု (၆)ဦးတို့သည် နန့်ရင်းရပ်ကွက်ရှိ ဆုတောင်းပြည့်စေတီ၊ ဇိနမာန်အောင်စေတီ၊ ကပ်ကျော်အေးစေတီတို့ကို ရေသပ္ပါယ်ခြင်း၊ ဘုရားစေတီပရဝုဏ်အတွင်းသန့်ရှင်းရေးဆောင်ရွက်ခြင်းတို့ဖြင့် ကုသိုလ်ရေးဆောင်ရွက်ကြသည်။
“လူစုလူဝေးမလုပ်ရဆိုတော့ သေန္ဓတပ်ဖွဲ့ဝင်တွေ၊ အရန်တပ်ဖွဲ့ဝင်တွေ၊ ရပ်ကွက်လူထုတွေစုပေါင်းပြီး ဘုရားစေတီ ရေသပ္ပါယ်တာတွေ၊ ဘုရားစေတီ ပရဝုဏ်သန့်ရှင်းရေးဆောင်ရွက်ပြီး ကုသိုလ်ရေးဆောင်ရွက်ကြပါတယ်”ဟု မြို့နယ်မီးသတ် ဒု-ဦးစီးမှူးလဂျွန်းမှဆိုသည်။
မိုးကောင်းမြို့နယ် သန္ဓေမီးသတ်တပ်ဖွဲ့အနေဖြင့် COVID-19 တိုက်ဖျက်ရေးတွင်သက်ဆိုင်ရာ ဌာနဆိုင်ရာများနှင့် ပူးပေါင်း၍ လုံခြုံရေးနှင့် ကာကွယ်ရေးကို ဆောင်ရွက်လျှက်ရှိကြောင်း သိရသည်။
ချိုမောင်