ပခုက္ကူမြို့ ရွှေမုဌောဘုရားအောက်ရှိ ဧရာဝတီမြစ်အတွင်း အမျိုးသမီးတစ်ဦး ရေထဲခုန်ချ အဆုံးစီရင်မှုဖြစ်ပွါး
EPN
ပခုက္ကူ၊ ဇန်နဝါရီ ၆
မကွေးတိုင်းဒေသကြီး၊ ပခုက္ကူမြို့၊ ရွှေမုဌောဘုရားအောက်ရှိ ဧရာဝတီမြစ်အတွင်းသို့ ဇန်နဝါရီလ (၆) ရက် နံနက် (၁၀) နာရီခန့်က အမျိုးသမီးတစ်ဦး ရေထဲခုန်ချကာ အဆုံးစီရင်မှု ဖြစ်ပွါးခဲ့ကြောင်း သိရသည်။
အဆိုပါ အဆုံးစီရင်သွားသည့် အမျိုးသမီး၏ ဖိနပ်ကို မြစ်ကမ်းနံဘေးတွင် တွေ့ရှိခဲ့ရပြီး သူမစီးလာသည့် စက်ဘီးနှင့် အသုံးအဆောင်ပစ္စည်းများကိုလည်း ရွှေမုဌောဘုရား မြစ်ကမ်းပေါ်တွင် တွေ့ရှိခဲ့ကြောင်း သိရသည်။
လက်ရှိအချိန်တွင် အဆိုပါ အဆုံးစီရင်သွားသည့် အမျိုးသမီးအား မည်သူမည်ဝါဖြစ်ကြောင်းကို အတည် မပြုနိုင်သေးကြောင်းနှင့် သိရှိပါက ဘုရားဂေါပကသို့ ဆက်သွယ်အသိပေးနိုင်ကြောင်း သိရသည်။