ပူတာအိုမြို့နယ် ဆန်ဂေါင်ကျေးရွာ ပါတိတ်ချောင်း၌ ငါးသားပေါက် ငါးမျိုးများစိုက်ထည့်ပေး
EPN
ပူတာအို၊ ဇွန် ၁၈
အဆိုပါ ငါးသားပေါက် ငါးမျိုးများကို ဆန်ဂေါင်ကျေးရွာ ငါးသားဖောက် စခန်းတွင် ငါးသားဖောက်ကာ ငါးခုံးမကြီးကောင်ရေ နှစ်သောင်းတို့ကို ခရိုင်ငါးလုပ်ငန်းဦးစီးဌာန ခရိုင်ဦးစီးမှူး ဦးမြသိန်းနှင့် ဝန်ထမ်းများ၊ ကျေး ရွာအုပ်ချုပ်ရေးမှူးနှင့်အဖွဲ့ဝင်များ၊ ဒေသခံပြည်သူများပူးပေါင်း၍ အဆိုပါချောင်းတွင် စိုက်ထည့်ပေးခဲ့ခြင်းဖြစ် သည်။
ယခင်နှစ်များတွင် ခရိုင်/မြို့နယ်ဌာနဆိုင်ရာများ၊ လူမှုရေးအသင်း အဖွဲ့များ၊ ရပ်/ကျေးအုပ်ချုပ်ရေးမှူး အဖွဲ့ဝင်များနှင့် ဒေသခံပြည်သူများ ပူးပေါင်း၍ ငါးသားပေါက် ငါးမျိုးများ စိုက်ထည့်ခြင်းကို နှစ်စဉ်ဆောင်ရွက် ခဲ့သော်လည်း ယခုနှစ်တွင် ကိုဗစ်-၁၉ ရောဂါထိန်းချုပ်ရေး လုပ်ငန်းများ အရှိန်အဟုန်မြှင့် ဆောင်ရွက်နေသည့် ကာလဖြစ်ခြင်းကြောင့် ကိုဗစ်-၁၉ ကာလ ကန့်သတ်ချက်များနှင့်အညီ ငါးမျိုးများကို စိုက်ထည့်ပေးခဲ့ခြင်း ဖြစ်ကြောင်း သိရသည်။
ဖုန်ကန်(ပူတာအို)