ရှီကျင့်ဖျင်သည် လာမည့်နိုဝင်ဘာလတွင် ဘိုင်ဒင်နှင့် လူချင်းတွေ့ဆုံရန်စီစဉ်ထား

EPN

နိုင်ငံတကာ၊ သြဂုတ် ၁၃

တရုတ်သမ္မတ ရှီကျင့်ဖျင်သည် ကိုဗစ်ကပ်ရောဂါဖြစ်ပွားပြီးနောက်ပိုင်း ၎င်း၏ပထမဆုံးနိုင်ငံခြားခရီးစဉ်တွင် အမေရိကန်သမ္မတ ဂျိုးဘိုင်ဒင်နှင့် တွေ့ဆုံရန် စီစဉ်ထားသည်ဟု ဝေါစထရိဂျာနယ်က ယင်းကစ္စနှင့်နီးစပ်သူတစ်ဦးကို ကိုးကား၍ဖော်ပြခဲ့သည်။

ကပ်ရောဂါကာလအတွင်း နိုင်ငံအတွင်း၌သာ နေထိုင်ခဲ့သည့် တရုတ်ခေါင်းဆောင်သည် လာမည့် နိုဝင်ဘာလအတွင်း အရှေ့တောင်အာရှကို လည်ပတ်ရန် စီစဉ်နေပြီး ခရီးစဉ်အတွင်း သမ္မတ ဘိုင်ဒင်နှင့် မျက်နှာချင်းဆိုင် တွေ့ဆုံရန် အစီအစဉ်များ ချမှတ်ထားသည်ဟု ရင်းနှီး သူ များထံမှ သိရသည်။

နိုဝင်ဘာ ၁၅ ရက်တွင် အင်ဒိုနီးရှားနိုင်ငံ ဘာလီကျွန်း၌ ကျင်းပမည့် ထိပ်သီးအစည်းအဝေး၏ ပြင်ပတွင် နှစ်ဖက်ခေါင်းဆောင်နှစ်ဦးကြား တွေ့ဆုံရန် စီစဉ်ထားသည်ဟု ဆိုသည်။ ၎င်းတို့အဆိုအရ ဘိုင်ဒင် သည် ၂၀၂၁ ခုနှစ် ဇန်နဝါရီလတွင် စတင်တာဝန်ယူပြီးနောက် ပထမဆုံးအကြိမ်အဖြစ် ရှီနှင့် လူချင်းတွေ့ဆုံမှုဖြစ်သည်။

ခရီးစဉ်ကြိုတင်ပြင်ဆင်မှုများအရ အသက် ၆၉ နှစ်အရွယ် ရှီသည် နိုဝင်ဘာ ၁၅ ရက်မှ ၁၆ ရက်အထိ အင်ဒိုနီးရှားနိုင်ငံ ဘာလီကျွန်းတွင် နိုင်ငံပေါင်း ၂၀ မှ ခေါင်းဆောင်များ ထိပ်သီးအစည်းအဝေးသို့ တက်ရောက်နိုင်ဖွယ်ရှိကြောင်း တရုတ်နိုင်ငံ တာဝန်ရှိသူများက ပြောကြားခဲ့သည်။

ကြိုတင်ပြင်ဆင်မှုများသည် အစောပိုင်းအဆင့်တွင်ရှိပြီး ရှီ၏အချိန်ဇယားသည် ပြောင်းလဲနိုင်သေးကြောင်း ဝေါစထရိဂျာနယ်၏သတင်းရင်းမြစ်များက အလေးပေးဖော်ပြသည်။

မျက်နှာချင်းဆိုင် မတွေ့ဆုံရသေးသော်လည်း ဘိုင်ဒန်နှင့် ရှီသည် ဖုန်းခေါ်ဆိုမှုများစွာ ပြုလုပ်ခဲ့သည်။

အောက်လွှတ်တော်ဥက္ကဋ္ဌ နန်စီပေလိုစီသည် မကြာမီ ထိုင်ဝမ်သို့ အလည်အပတ်ရောက်ရှိမည်ဟု သတင်းများထွက်ပေါ်နေသည့်ကြားတွင် ၎င်းတို့၏ နောက်ဆုံးပြောဆိုမှုအတွင်း တရုတ်ခေါင်းဆောင်က ၎င်း၏အမေရိကန်ကို “မီးမကစားရန်” သတိပေးခဲ့ပြီး ကျွန်းသည် တရုတ်နိုင်ငံ၏ အစိတ်အပိုင်းတစ်ခုဖြစ်ကြောင်းနှင့် ပေကျင်းက ကျွန်းဖြစ်ကြောင်း ပြောကြားခဲ့သည်။

Source – WSJ