သာကေတ ရှုခင်းသာလမ်းမကြီးပေါ်တွင် အမျိုးသမီးတစ်ဦးအား ကားတစ်စီးက တိုက်သွား
EPN
ရန်ကုန်၊ ဖေဖော်ဝါရီ-၂၈ (၂၀၂၄)
ရန်ကုန်တိုင်း၊ သာကေတမြို့နယ်ရှိ ရှုခင်းသာ လမ်းမကြီးပေါ်တွင် ယမန်နေ့ ဖေဖော်ဝါရီ ၂၇ ရက်၊ ညပိုင်းက အမျိုးသမီးတစ်ဦးအား ကားတစ်စီးမှတိုက်သွားခဲ့ကြောင်း သာကေတမြို့နယ်လူမှုကူညီရေး အဖွဲ့ထံမှ သိရသည်။
ယမန်နေ့၊ ည ၇ နာရီခန့်က သာကေတမြို့နယ်၊ ရှုခင်းသာ လမ်းမကြီးပေါ်ရှိ (၅)ကွေ့ မှတ်တိုင်အနီးတွင် အသက် (၅၀)နှစ်ခန့်ရှိ အမျိုးသမီးတစ်ဦးအား ကားတစ်စီးမှ တိုက်သွားခဲ့သဖြင့် သာကေတမြို့နယ် လူမှုကူညီရေးအဖွဲ့မှ ကူညီကယ်ဆယ်ရေး လုပ်ငန်းများ သွားရောက်ပြုလုပ်ခဲ့ကြောင်း သိရသည်။
အဆိုပါ ကားဖြင့်တိုက်ခံရမှုကြောင့် အမျိုးသမီးကြီးမှာ ခြေထောက်တွင် ထိခိုက်ဒဏ်ရာ (မစိုးရိမ်ရ) ရရှိခဲ့သဖြင့် ရှုခင်းသာ လူမှုကူညီရေးအသင်းက ရန်ကုန်ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။
ကျော်စိုးသူ