အင်းတော်မြို့နယ် ပေကုန်း အထက(ခွဲ) Quarantine Center တွင် သောက်သုံးရေ ရေဂါလံ ၁၆၀၀ လှူဒါန်း
EPN
အင်းတော်၊ မေ ၁၈
စစ်ကိုင်းတိုင်းဒေသကြီး အင်းတော်မြို့နယ် မော်လူးဒေသ မံဟဲကျေးရွာအုပ်စု ပေကုန်းကျေးရွာ အခြေခံပညာအထက်တန်းကျောင်းခွဲတွင် Quarantine Center ဝင်ရောက်နေသူများအတွက် သောက်သုံးရေဂါလံ (၁၆၀၀)ကို လှူဒါန်းခဲ့ပြီး ကိုဗစ်-၁၉ ရောဂါကြိုတင်ကာကွယ်နိုင်ရေးအတွက်ကလိုရင်းပိုသတ်ဆေး ရည်များကိုပက်ဖျန်းခြင်းကို ယနေ့ မေ ၁၈ရက် က ပြုလုပ်ခဲ့သည်။
လက်ရှိ ပေကုန်းအထက-ခွဲ Quarantine Center မှာ ခရီးသွားစောင့်ကြည့်သူ ၂၁ဦးရှိ ပြီး ၎င်းတို့အတွက် သောက်သုံးရေအခက်အခဲရှိတာကြောင့် အခုလိုဝိုင်းဝန်းဆောင်ရွက်ခြင်း
ဖြစ်ကြောင်း ပေကုန်းရွာ၊ ဌာနေပြည်သူ့စစ်အဖွဲ့ခေါင်းဆောင် ဦးမောင်စိုးက ပြောသည်။
” မော်လူး-စီပိန်းရွာစိမ့်စမ်းရေမှ ရေဂါလံ(၈၀၀)ဆံ့ကားတစ်စီး၊ သုံးရေအတွက် နန့်စီးအောင်ရေကြည်ချောင်းက ရေဂါလံ(၈၀၀)ဆံ့ကားတစ်စီး စုစုပေါင်းရေဂါလံ (၁၆၀၀)ကို လှူဒါန်းခဲ့ပြီး ကိုဗစ်-၁၉ ရောဂါကာကွယ်ရေးအတွက် ကလိုရင်းပိုးသတ်ဆေးရည်တွေကိုပက်ဖျန်းခဲ့ပါတယ်။ ” ဟု မော်လူးနယ်မြေမီးသတ်စခန်း တာဝန်ခံ သိန်းထိုက်က ပြောကြားခဲ့သည်။
အဆိုပါသောက်သုံးရေနှင့် ပိုးသတ်ဆေးပက်ဖျန်းရာသို့ မော်လူးမြို့မင်းဇေယျာရပ်ကွက်အုပ်ချုပ်ရေးမှူးဦးမိုးဆွေ၊ မံဟဲကျေးရွာအုပ်စုအုပ်ချုပ်ရေးမှူးဦးဝင်းကြိုင်၊ပေကုန်းကျေးရွာကျန်းမာရေးမှူး ဒေါ်ဆွေဆွေအောင်၊ မော်လူးနယ်မြေမီးသတ်စခန်းတာဝန်ခံလက်ထောက်မီးသတ်ဦးစီးမှူးဦးသိန်းထိုက်နှင့် သန္ဓေမီးသတ်တပ်ဖွဲ့ဝင်များ၊ ပေကုန်းကျေးရွာဒေသအရံမီးသတ်တပ်ဖွဲ့ဝင်များ၊ ဌာနေပြည်သူ့စစ်ခေါင်းဆောင်ဦးမောင်စိုးနှင့်အဖွဲ့တို့က စုပေါင်းဆောင်ရွက်ခဲ့ကြသည်။
မင်္ဂလာဦး