မိုးေကာင္း၊ ဧၿပီ ၉
မိုးကောင်းတွင် အထောက်အထားမဲ့ဝင်ရောက်လာသော တရုတ်နိုင်ငံသား တစ်ဦး ဖမ်းဆီးရမိ
EPN
မိုးကောင်း၊ ဧပြီ ၉
ကချင်ပြည်နယ်၊ မိုးကောင်းမြို့နယ် မရမ်ကထောင် ပူးပေါင်းစစ်ဆေးရေးဂိတ်၌ အထောက်အထားမဲ့ဝင်ရောက်လာသော တရုတ်နိုင်ငံသားတစ်ဦးကို ဖမ်းဆီးရမိခဲ့ကြောင်း မိုးကောင်းမြို့မရဲစခန်းမှသိရသည်။
ဖြစ်စဉ်မှာ ကချင်ပြည်နယ် မိုးကောင်းမြို့နယ် မရမ်ကထောင်ကျေးရွာရှိ မရမ်ကထောင်ပူးပေါင်းစစ်ဆေးရေးဂိတ်၌ ဧပြီ ၉ ရက်နံနက် ၉နာရီအချိန်ခန့်က ခ.မ.ရ(၃၈၁)မှ ဗိုလ်ကြီးစိုးမိုး ဦးစီးတပ်ဖွဲ့ဝင်များ၊ မိုးကောင်းမြို့မရဲစခန်းမှ ဒုရဲအုပ်နိုင်ထွန်းဦး၊ လ/ထလ.ဝ.ကမှူ း ဦးဇေယျာစိုးတို့သည်ယာဉ်ဝင်/ထွက်စစ်ဆေးဆောင်ရွက်နေစဉ် လဝါးဘက်မှ ကုန်စိမ်းပို့ဆောင်ပြီး ပြန်လာသော နမ္မတီးမြို့နေဦးတင်နိုင်ဝင်း(၄၀)နှစ်မောင်းနှင်သည့်စက်တပ်ယာဉ်ဆိုက်ကားအား လဝါး နမ္မတီး လမ်းကြောင်းအတိုင်းမောင်းနှင်လာစဉ်လမ်း၌လူတစ်ဦးမှ တားဆီး၍ လမ်းကြုံလိုက်ပါလိုကြောင်း တားသဖြင့် တင်ဆောင်မောင်းနှင်လာပြီး အဆိုပါလူအား စကားပြောကြည့်ရာ ဗမာလိုပြောဆိုနိုင်ခြင်း မရှိသဖြင့် မရန်ကထောင်စစ်ဆေးရေးဂိတ်အရောက် ဦးတင်နိုင်ဝင်းမှ ရောက်ရှိအပ်နှံသဖြင့် စစ်ဆေးရာ လမ်းကြုံလိုက်ပါလာသူမှာ တရုတ်ပြည် ရှုးတိုမြို့နေလျှပ်စစ်လုပ်ငန်းလုပ်ကိုင်သူ HAU KYW FU(ခ)ဟောင်ကျင်ဖု(၄၈)နှစ်ဖြစ်ကြောင်း စစ်ဆေးသိရှိရသည်။
ဖြစ်စဉ်နှင့်ပတ်သက်၍ မြို့နယ်လူဝင်မှုကြီးကြပ်ရေးနှင့်ပြည်သူ့အင်အားဦးစီးဌာန ဦးစီးမှူ း ဦးLယော်ထုန်မှ တရားလိုပြုလုပ်၍ HAU KYW FU(ခ) ဟောင်ကျင်ဖု(၄၈)နှစ်အား မိုးကောင်းမြို့မရဲစခန်း၌ လ.ဝ.ကအက်ဥပဒေပုဒ်မ၁၃(၁) ဖြင့် အမှုဖွင့်အရေးယူထားကြောင်းသိရသည်။
ချိုမောင်