ဟောင်ကောင်ရဲတပ်ဖွဲ့က ဒီမိုကရေစီဆန္ဒပြသမားများကို မျက်ရည်ယိုဗုံး အသုံးပြု၍ နှိမ်နင်း
EPN
နိုင်ငံတကာ၊ မေ ၂၄
ရဲတပ်ဖွဲ့ဝင်များက လော်စပီကာများ အသုံးပြု၍ လူစုခွဲရန် အမိန့်ပေးကာ လူစုဝေးခြင်းက ဉပဒေနှင့်မညီ ညွတ်ကြောင်း ပြောကြားနေစဉ် ဆန္ဒပြသူများက ဒီမိုကရေစီလိုလားသော ကြွေးကြော်သံများ သံပြိုင်ဟစ်ခဲ့သည်။
မေလ ၂၂ ရက်က ကျင်းပသည့် တရုတ်နိုင်ငံ အမျိုးသားဉပဒေပြုရေးအဖွဲ့ ဖွင့်ပွဲအခမ်းအနား၌ မိတ်ဆက်ခဲ့ သည့် အဆိုပါဉပဒေကြမ်းက ပြည်ပနိုင်ငံများ၏ ဝင်ရောက်စွက်ဖက်မှုနှင့် အကြမ်းဖက်ဝါဒကြောင့်ဟုဆိုကာ ခွဲထွက်လိုသူများ၊ အဖျက်ဆန်သောလုပ်ရပ်များကို တားမြစ်ထားသည်။
အမေရိကန် ကွန်ဂရက်အမတ် ၁၇ ဉီးအပါအဝင် ကမ္ဘာတစ်ဝှမ်းမှ ထင်ရှားသော နိုင်ငံရေးသမား ၂၀၀ ခန့် သည် ယမန်နေ့ ပူးတွဲထုတ်ပြန်ချက်တစ်ရပ်တွင် လက်မှတ်ရေးထိုးခဲ့ပြီး တရုတ်နိုင်ငံ၏ အဆိုပြုဉပဒေကြမ်းများ က ဟောင်ကောင်၏ ကိုယ်ပိုင်အုပ်ချုပ်ခွင့်၊ တရားဉပဒေစိုးမိုးမှုနှင့် အခြေခံလွတ်လပ်ခွင့်များကို ထိခိုက်စေ ကြောင်း ပြောကြားခဲ့သည်။
အဆိုပြု ဥပဒေကြမ်းက “တစ်နိုင်ငံ၊ စနစ်နှစ်မျိုး” မူဘောင်အရ ၁၉၉၇ ခုနှစ်တွင် ကိုလိုနီ ဗြိတိသျှတို့က ဟောင်ကောင်ကို တရုတ်ထံ ပြန်ပေးခဲ့သည့် ပူးတွဲကြေညာချက်ကို ချိုးဖောက်ကြောင်း ထုတ်ပြန်ချက်က ဖော်ပြ သည်။
–ကိုးကား–
ဗွီအိုအေ
Ref; Hong Kong Police Fire Tear Gas at Pro-Democracy Demonstrators