ဒိန်းမတ်နှင့် မြန်မာနိုင်ငံကြက်ခြေနီအသင်းတို့က မြစ်ကြီးနားရှိ RC စစ်ရှောင်အတွက် ငွေကျပ် သိန်း ၄၀၀ ကျော် ထောက်ပံ့
EPN
မြစ်ကြီးနား၊ မေ ၁၃
ဤသို့ထောက်ပံ့ရာတွင် အိမ်ထောင်စုအလိုက် ထောက်ပံ့ပေးခဲ့ပြီး တစ်အိမ်ထောင်လျင် ကျပ်(၃)သိန်းနှုန်းဖြင့် အိမ်ထောင်စုပေါင်း (၁၅၀)အတွက် ငွေကျပ်သိန်း (၄၅၃)သိန်းတိတိ ထောက်ပံ့ပေးခဲ့ကြောင်း ကချင်ပြည်နယ် ကြက်ခြေနီ ကြီးကြပ်မှုကော်မတီမှ သိရသည်။
”ကျွန်တော်တခြားစစ်ရှောင်တွေကိုလည်းထောက်ပံ့ခဲ့ပြီးပါပြီ။ ဒိန်းမတ်ကြက်ခြေနီနဲ့ပူးပေါင်းပြီး အခုလို ထောက်ပံ့တာဟာ ပထမဆုံးဖြစ်ပါတယ်”ဟု ကချင်ပြည်နယ် ကြက်ခြေနီကြီးကြပ်မှုကော်မတီ ဥက္ကဋ္ဌ ဦးဘရန်ဒီးက ပြောသည်။
ထို့အပြင် မြန်မာနိုင်ငံကြက်ခြေနီအသင်းနှင့် ဒိန်းမတ်ကြက်ခြေနီ အသင်းတို့ပူးပေါင်းကာ ကန့်သတ်ချက်မဲ့ထောက်ပံ့ခြင်း စီမံချက်အနေဖြင့် မြစ်ကြီးနား၊ ဗန်းမော်၊ မိုးမောက်၊ မိုးကောင်း စသည့်လေးမြို့နယ်တွင်လည်း ထောက်ပံ့သွားရန်ရှိကြောင်း သိရသည်။
လွမ်းအောင်