မြစ်ကြီးနားတက္ကသိုလ်တွင် ဖြေဆိုနေသည့် ပထမနှစ်ဝက် စာမေးပွဲများကို ယနေ့မှစ၍ရပ်ဆိုင်း

မြန်မာနိုင်ငံတွင် မတ်လ ၂၃ ရက်နေ့ ည(၁၁)နာရီအချိန်ခန့်က ကျန်းမာရေးနှင့်အားကစားဝန်ကြီးဌာန၏ ထုတ်ပြန်ချက်အရ မြန်မာနိုင်ငံတွင် covid-19 ကူးစက်ခံရသောလူနာ (၂) ဦးတွေရှိရကြောင်း သိရသည်။

အဆိုပါ ကူးဆက်ခံရမှုကြောင့် မြစ်ကြီးနားတက္ကသိုလ်တွင် ဖြေဆိုနေသည့် ပထမနှစ်ဝက် စာမေးပွဲများကို ယနေ့မှစ၍ ရပ်ဆိုင်းလိုက်ပြီဖြစ်တယ်လို့ မြစ်ကြီးနားတက္ကသိုလ် ပညာရေးအဖွဲ့မှ သိရသည်။

“ကျနော်တို့ တစ်ကမ္ဘာလုံးမှာဖြစ်နေတဲ့ covid-19 ကမ္ဘာ့ကပ်ရောဂါ အတွက် ကြိုတင်ကာကွယ်တဲ့အနေနဲ့ အခုဖြေဆိုနေတဲ့ စာမေးပွဲတွေကို ရပ်ဆိုင်းမယ် လက်ရှိ ဖြေဆိုပြီးတဲ့(၄)ဘာသာကိုဒီတိုင်းထားပြီးကျန်တဲ့ ဖြေဆိုရမဲ့ (၂)ဘာသာ ပြန်လည်ဖြေဆိုမဲ့ရက်ကို ထက်မံကြေညာသွားမှာ ဖြစ်ပါတယ်။” ဟု မြစ်ကြီးနားတက္ကသိုလ် သင်တန်းရေးရာဌာနမှူး ဦးအောင်မြင့်က ပြောသည်။

အဆိုပါစာမေးပွဲကို မတ်လ (၁၈) ရက်နေ့မှ စတင်ကျင်းပခဲ့ပြီး ကျောင်သားကျောင်းသူ လူဦးရေစုစုပေါင်း (၆၈၀၀)ကျော် ဖြေဆိုနေကြောင်း သိရသည်။

ဝေယံ