ဗန်းမော်မြို့တွင် ဘိန်းဖြူအလေးချိန် ၅၉၄ ဂရမ်နှင့်အတူ လူငယ်တစ်ဦး ဖမ်းဆီးရမိ
EPN
ဗန်းမော်၊ ဩဂုတ် ၁၆
ကချင်ပြည်နယ်၊ ဗန်းမော်မြို့နယ်၊ တာမိုင်းလုံကျေးရွာရှိ လူနေအိမ်အတွင်းမှ ဘိန်းဖြူအလေးချိန် ၅၉၄ ဂရမ်နှင့်အတူ လူငယ်တစ်ဦး ဖမ်းဆီးရမိခဲ့ကြောင်း သိရသည်။
ဖြစ်စဉ်မှာ ဩဂုတ်လ ၁၃ ရက်နေ့၊ ညနေ ၆ နာရီ အချိန်က မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့ ( ဗန်းမော်) မှ တပ်ဖွဲ့ဝင်များသည် သတင်းအရ သက်သေများနှင့်အတူ ဗန်းမော်မြို့နယ်၊ တာမိုင်းလုံကျေးရွာနေ မျိုးမြင့်ဦး (ခ) အားသူ၏ နေအိမ်အား ၀င်ရောက်ရှာဖွေ ခဲ့ကြရာ ၎င်းနှင့်အတူ နေအိမ်အတွင်းမှ ဘိန်းဖြူအလေးချိန် ၅၉၄ ဂရမ်၊ (ဒေသကာလပေါက်ဈေး တန်ဖိုးငွေကျပ် ၂၃၇ ဒဿမ ၆ သိန်း)နှင့် လက်ကိုင်ဖုန်း ၁ လုံးတို့အား ရှာဖွေတွေ့ရှိ သိမ်းဆည်းရမိခဲ့သည်။
အဆိုပါဖြစ်စဉ်နှင့် ပတ်သက်၍ ဗန်းမော်မြို့မရဲစခန်းက မျိုးမြင့်ဦး (ခ) အားသူ (၃၁) နှစ်အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အမှုဖွင့်ကာ စစ်ဆေးအရေးယူ ဆောင်ရွက်လျက်ရှိပြီး၊ ကွင်းဆက်များ ဖော်ထုတ်လျက် ရှိကြောင်း သိရသည်။
ဗန်းမော်သုခမိန်