မိုးညှင်းဘူတာရှိ ရထားစီးခရီးသည်များအား Covid19 ဗိုင်းရပ်ပိုးအကြောင်း အသိပညာပေးပြီး ကျန်းမာရေးစစ် ဆေးပေးခဲ့
EPN
မိုးညှင်း၊ မတ် ၂၆
အဆိုပါအသိပညာပေး ကျန်းမာရေးစစ်ဆေးခြင်းကို မြို့နယ်အထွေထွေအုပ်ချုပ်ရေးမှူး ဦးကျော်ဆန်းဦးနှင့် အဖွဲ့ဝင်များ၊ ကျန်းမာရေးဝန်ထမ်းများ၊ မိုးညှင်းဘူတာ ရုံပိုင်ကြီးနှင့်ဝန်ထမ်းများ၊ မြို့နယ် Covid19 ကာကွယ်ထိန်းချုပ်ရေးကော်မတီဝင်များ၊ မြို့နယ်အဆင့်ဌာနဆိုင်ရာအကြီးအကဲများ၊ လူမှုရေးပရဟိတအဖွဲ့စည်းများမှ ရထားစီးရန်စောင့်ဆိုင်းနေကြသော ခရီးသည်များနှင့် ဘူတာစျေးသည်များအား Coronavirus-19နှင့်ပတ်သက်သော ကာကွယ်ထိန်းချုပ်မှုဆိုင်ရာများ လိုက်နာ ဆောင်ရွက်ကြရမည့် အစီအစဉ်များကိုရှင်းလင်းပြောကြားပြီး တစ်ဦးချင်းစီအား အပူချိန်တိုင်းကိရိယာဖြင့် ကျန်းမာရေးစစ်ဆေးပေးခဲ့ကြသည်။
ထို့အပြင် ပြည်သူအများမြင်သာသောနေရာများ၌ ကာကွယ်မှုဆိုင်ရာ ကြော်ငြာချက်ပိုစတာများ၊ စာတန်းများ ကိုထားရှိပေး၍ ထိုသို့ ကျန်းမာရေးစစ်ဆေးမှုအရ Covid-19 ဗိုင်းရပ်စ်ပိုး သံသယရှိသူ တစ်ဦးတစ်ယောက်မျှ မတွေ့ရှိရကြောင်း သိရှိရပေသည်။
မင်္ဂလာဦး