ညမထြက္ရအမိန္႔ေဖာက္ဖ်က္သူတစ္ဦးကိုဖမ္းဆီး
EPN
ေျမာက္ဦး၊ ဧၿပီ ၁၁
ရခုိင္ျပည္နယ္ေျမာက္ဦးၿမိဳ႕နယ္၌ညမထြက္ရအမိန္႔ေဖာက္ဖ်က္သူအမ်ိဳးသား၁ဦးကိုဖမ္းဆီးခဲ့ေၾကာင္းျပည္ထဲေရး၀န္ၾကီးဌာနကသတင္းထုတ္ျပန္ခဲ့သည္။
ဖမ္းဆီးရမိမႈ၂၀၁၉ခုႏွစ္၊ဧၿပီလ၈ရက္ေန႔ညပိုင္းကေျမာက္ဦးၿမိဳ႕နယ္၊ထမၼရာဇ္ရပ္ကြက္ရန္ကုန္–စစ္ေတြကားလမ္း ေငြေတာင္ေပါက္တံတား၌ရန္ကုန္ဘက္မွစစ္ေတြဘက္သို႔ေမာင္းႏွင့္လာသည့္ကားကိုစစ္ေဆးခဲ့ေၾကာင္းသိရသည္။
ကားေပၚပါလာသူသက္ၿငိမ္းထြန္း(ခ)ကိုသက္(၃၂)ႏွစ္၊ အမ္းၿမိဳ႕ေနသူေမာင္းႏွင္လာေသာYGN 7M/×××× Nissan UD ကြန္တိန္နာယာဥ္အားဖမ္းဆီးရမိခဲ့ၿပီးစစ္ေမးရာ၎သည္ICRC မွလႉဒါန္းေသာSuper Cereal Plus တံဆိပ္ပါႏို႔ႏွင့္အဟာရမႈန္႔၁၀ထုပ္ပါ၆၃၅ဖာအားရန္ကုန္ၿမိဳ႕မွတင္ေဆာင္ကာေမာင္ေတာၿမိဳ႕သို႔ပို႔ေဆာင္ရန္ျဖစ္ေၾကာင္းသိရွိရသည္။
ေျမာက္ဦးၿမိဳ႕သည္ပုဒ္မ၁၄၄အရညမထြက္ရအမိန္႔ထုတ္ျပန္ထားသည့္ၿမိဳ႕တစ္ၿမိဳ႕ျဖစ္ၿပီးအမိန္႔ကိုေဖာက္ဖ်က္ခဲ့သျဖင့္သက္ၿငိမ္းထြန္းကိုဖမ္းဆီးခဲ့ေၾကာင္းၿမိဳ႕နယ္တရား႐ုံး၌ရာဇသတ္ႀကီးဥပေဒပုဒ္မ၁၈၈ျဖင့္ဦးတိုက္ေလွ်ာက္တရားစြဲဆိုရန္စီစဥ္ထားေၾကာင္းသိရသည္။
——————————————— —————-
ညမထွက်ရအမိန့်ဖောက်ဖျက်သူတစ်ဦးကိုဖမ်းဆီး
EPN
မြောက်ဦး၊ဧပြီ ၁၁
ရခိုင်ပြည်နယ်မြောက်ဦးမြို့နယ်၌ ညမထွက်ရအမိန့် ဖောက်ဖျက်သူ အမျိုးသား ၁ ဦးကိုဖမ်းဆီးခဲ့ကြောင်း ပြည်ထဲရေးဝန်ကြီးဌာနက သတင်းထုတ်ပြန်ခဲ့သည်။
ဖမ်းဆီးရမိမှု ၂၀၁၉ခုနှစ်၊ ဧပြီလ၈ ရက်နေ့ ညပိုင်းကမြောက်ဦးမြို့နယ်၊ ထမ္မရာဇ်ရပ်ကွက် ရန်ကုန်–စစ်တွေကားလမ်း ငွေတောင်ပေါက်တံတား၌ရန်ကုန်ဘက်မှ စစ်တွေဘက်သို့မောင်းနှင့်လာသည့်ကားကို စစ်ဆေးခဲ့ကြောင်းသိရသည်။
ကားပေါ်ပါလာသူသက်ငြိမ်းထွန်း(ခ)ကိုသက်(၃၂)နှစ်၊အမ်းမြို့နေသူမောင်းနှင်လာသော YGN 7M/×××× Nissan UD ကွန်တိန်နာယာဉ်အား ဖမ်းဆီးရမိခဲ့ပြီး စစ်မေးရာ ၎င်းသည် ICRC မှလှူဒါန်းသော Super Cereal Plus တံဆိပ်ပါ နို့နှင့်အဟာရမှုန့် ၁၀ ထုပ်ပါ ၆၃၅ဖာအား ရန်ကုန်မြို့မှ တင်ဆောင်ကာမောင်တောမြို့သို့ ပို့ဆောင်ရန်ဖြစ်ကြောင်း သိရှိရသည်။
မြောက်ဦးမြို့သည် ပုဒ်မ ၁၄၄ အရ ညမထွက်ရအမိန့်ထုတ်ပြန်ထားသည့်မြို့တစ်မြို့ဖြစ်ပြီး အမိန့်ကိုဖောက်ဖျက်ခဲ့သဖြင့် သက်ငြိမ်းထွန်းကိုဖမ်းဆီးခဲ့ကြောင်းမြို့နယ်တရားရုံး၌ ရာဇသတ်ကြီးဥပဒေပုဒ်မ ၁၈၈ ဖြင့် ဦးတိုက်လျှောက်တရားစွဲဆိုရန် စီစဉ်ထားကြောင်း သိရသည်။