မြင်းမူမြို့နယ်က အကြမ်းဖက်စခန်းတစ်ခုကို နယ်မြေရှင်းလင်းရေး စစ်ကြောင်းအဖွဲ့ ဝင်ရောက်ရှင်းလင်း၊ လက်နက်ခဲယမ်းတွေ သိမ်းဆည်းရမိ
EPN
မြင်းမူ၊ ဖေဖော်ဝါရီ ၂၁
စစ်ကိုင်းတိုင်း၊ စစ်ကိုင်းခရိုင်၊ မြင်းမူမြို့နယ်၊ စံဒင်ကင်းကျေးရွာအနီးမှာ စခန်းချ အခြေပြုနေတဲ့ အကြမ်းဖက်အဖွဲ့ စခန်းတစ်ခုကို ဖေဖော်ဝါရီ ၂၁ ရက် ၊ မနေ့မနက်ပိုင်းက နယ်မြေရှင်းလင်းရေး စစ်ကြောင်းအဖွဲ့က ဝင်ရောက်ရှင်းလင်းခဲ့တယ်လို့ စံဒင်ကင်းကျေးရွာခံ တချို့ထံက သိရပါတယ်။
“မနက်အစောပိုင်းက သေနတ်ပစ်သံတွေကြားရတယ် ၊ အကြမ်းဖက်အဖွဲ့တွေနေတဲ့ တဲကိုဝင်စီးခံရတာ ” လို့ ရွာခံ တစ်ယောက်က ပြောပြပါတယ်။
အဲ့ဒီ ပစ်ခတ်မှုနဲ့ ပတ်သက်ပြီး မြင်းမူးမြို့နယ် ရဲတပ်ဖွဲ့ရုံးနဲ့ နီးစပ်သူ တစ်ယောက်က ” အကြမ်းဖက် အဖွဲ့ဝင်
ကျား ၂ လောင်း၊ အကြမ်းဖက်သမား ကျား ၃ဦး၊ မ ၇ ဦးအရှင်ဖမ်းဆီးရမိပြီး လက်လုပ်သေနတ်အရှည် ၄၃ လက်၊ လက်လုပ်စိန်ပြောင်း ၅ လက်၊ လက်လုပ်သေနတ်အတို ၁၂ လက်၊ လက်လုပ်ကျည်ဆံများ၊ လက်လုပ်မိုင်းများ၊ ဆိုလာပြားများ၊ သံပိုက်လုံးများ၊ ဆိုင်ကယ်များနှင့် မိုင်းပြုလုပ်ရန်ဆက်စပ်ပစ္စည်းတွေ သိမ်းဆည်းရမိတယ်လို့ ကနဦး သိထားရသေးပါ ၊ ဆက်လက်ရှင်းလင်းနေတုန်း၊ စစ်ကြောင်းဘက်က ထိခိုက်ဒဏ်ရာရတာ မရှိဘူး ” လို့ ဆိုပါတယ်။
ဒါ့အပြင် စစ်ကိုင်းတိုင်းအတွင်းက ရေဦး၊ ခင်ဦး၊ ရွှေဘို၊ ယင်းမာပင်၊ မြောင် စတဲ့ မြို့နယ်တွေဘက်က အကြမ်းဖက်အဖွဲ့တွေ အခြေပြုစခန်းချထားတဲ့ နေရာတွေကို ဒီကနေ့ ရှင်းလင်းရာမှာ အကြမ်းဖက် အလောင်းတွေနဲ့ လက်နက်ခဲယမ်းမျိုးစုံး အမြောက်အများ သိမ်းဆီးရမိတယ်လို့ သိရပါတယ် ။
သွန်းသွန်း
