ဗန်းမော်မြို့တွင် အမျိုးသားနှစ်ဦးထံမှ မူးယစ်ဆေးဝါးများ ဖမ်းဆီးရမိ
EPN
မြစ်ကြီးနား၊ မတ် ၂၈ (၂၀၂၄)
ကချင်ပြည်နယ်၊ ဗန်းမော်မြို့တွင် အမျိုးသားနှစ်ဦးထံမှ မူးယစ်ဆေးဝါးများကို မတ်လ ၂၇ ရက်နေ့၊ နေ့လည် ၁၂ နာရီ အချိန်က ဖမ်းဆီးရမိကြောင်း မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့မှ ထုတ်ပြန်ထားသည်။
ဖြစ်စဉ်မှာ ဗန်းမော်မြို့၊ အောင်သာရပ်ကွက်နေ နိုင်၀င်း(ခ)အငယ်လေး ၏ နေအိမ်အား မူးယစ်သတင်းအရ ၀င်ရောက်ရှာဖွေရာ ၎င်းနှင့်အတူ ရေမွန် အားတွေ့ရှိပြီး နေအိမ်အတွင်းမှ စိတ်ကြွရူးသွပ်ဆေးပြား ၁၈၇၅ ပြား (ဒေသကာလပေါက်ဈေးတန်ဖိုးငွေကျပ် ၃၇ ဒဿမ ၅ သိန်း)၊ ဘိန်းဖြူအလေးချိန် ၃၀ ဂရမ် (ဒေသကာလပေါက်ဈေးတန်ဖိုးငွေကျပ် ၁၂ သိန်း)နှင့် လက်ကိုင်ဖုန်း ၂ လုံးတို့အား တွေ့ရှိသိမ်းဆည်း ရမိခဲ့ခြင်း ဖြစ်သည်။
အဆိုပါ မူးယစ်ဆေးဝါးနှင့် ပတ်သက်၍ နိုင်၀င်း(ခ)အငယ်လေး (၃၃)နှစ်နှင့် ရေမွန် (၃၂)နှစ်တို့အား ဗန်းမော်မြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိကြောင်း သိရသည်။
အယ်လီ