ပထမအႀကိမ္ ေပ်ာ္ပြဲ႐ႊင္ပြဲ အားကစားၿပိဳင္ပြဲ ေအာင္ေျမသာစံျပေက်း႐ြာတြင္က်င္းပ
EPN
ေအာင္ျမင္သာ၊ မတ္၁၈
SPIC/ACHCကုမၼဏီက ႀကီးမွဴးၿပီး ေပ်ာ္ပြဲ႐ႊင္ပြဲအားကစားၿပိဳင္ပြဲကို ေအာင္ျမင္သာစံျပေက်း႐ြာတြင္ပထမဆံုးအႀကိမ္အျဖစ္ မတ္လ၁၈ရက္ေန႔က က်င္းပျပဳလုပ္ခဲ့သည္။
အားကစားနွင့္ ကာယပညာဦးစီးမွဴး ဦးရဲထြန္းက “ကြၽန္ေတာ္တို႔ဌာနအေနနဲ႔ အခုၿပိဳင္ပြဲအတြက္လိုအပ္တဲ့ နည္းျပေတြ၊ အားကစားပစၥည္းေတြကို ကူညီေပးဖို႔ေျပာခဲ့ေပမယ့္ ကုမၼဏီက အမွာစကားဘဲေျပာၾကားေပးဖို႔ ေျပာတဲ့အတြက္ မကူညီလိုက္ရဘူး။ ဌာနအေနနဲ႔ကေတာ့ ကူညီဖို႔အဆင္သင့့္ပါ။ အားကစားနဲ႔ ကာယပညာဦးစီးဌာန အေနနဲ႔ ေက်းလက္ေရာၿမိဳ႕ပါမက်န္ ေႏြရာသီအားကစားသင္တန္းေတြ ပို႔ခ်သင္ၾကားေနတယ္။ ေအာင္ျမင္သာေက်း႐ြာမွာလည္း အားကစားနဲ႔ပတ္သက္ၿပီး လာေရာက္ေထာက္ပံ့တာ၊ ၿပိဳင္ပြဲေတြျပဳလုပ္သြားဖို႔ရွိတယ္”ဟု အဆိုပါအခမ္းအနားတြင္ ေျပာၾကားခဲ့သည္။
အဆိုပါ အားကစားၿပိဳင္ပြဲတြင္ အာလူးေကာက္ၿပိဳင္ပြဲ၊ မီတာ၁၀၀အေျပးၿပိဳင္ပြဲ အေလးပစ္ၿပိဳင္ပြဲႏွင့္ ထိုင္ခံုလုၿပိဳင္ပြဲစသည့္ အားကစားနည္းမ်ားကို ယွဥ္ၿပိဳင္ရမည္ျဖစ္ၿပီး ၿပိဳင္ပြဲတြင္ အသက္၃နွစ္မွ အသက္၇၀အ႐ြယ္ထိ ဝင္ ေရာက္ယွဥ္ၿပိဳင္နိုင္မည္ဟု သိရသည္။
SPIC /ACHC ကုမၼဏီမွ ျမစ္ႀကီးနားတာဝန္ခံ မစၥတာက်န္းဟုန္းေကြ႕ကေတာ့ ”ေအာင္ျမင္သာ စံျပေက်း႐ြာက လူႀကီးေတြေကာ လူငယ္ေတြေကာ ဥာဏ္ပညာထက္ျမတ္ေစဖို႔၊ က်န္းမားသန္စြမ္းေပ်ာ္႐ႊင္ေစဖို႔ အခုလိုေပ်ာ္ပြဲ႐ႊင္ပြဲ အားကစားၿပိဳင္ပြဲကို လုပ္ေပးရတာျဖစ္တယ္”ဟု ေျပာၾကားခဲ့ပါသည္။ အဆိုပါၿပိဳင္ပြဲတြင္ ဆုရရွိသူမ်ားကို ပထမဆုကို က်ပ္ တစ္သိန္း၊ ဒုတိယဆုကို က်ပ္ ရွစ္ေသာင္း၊ တတိဆုကိုက်ပ္ ေျခာက္ေသာင္းနွင့္ အျခားနွစ္သိမ့္ဆုမ်ားကိုခ်ီး ျမင့္မည္ ဟုသိရသည္။
“SPIC/ACHC ကုမၼဏီအေနနဲ႔ ေက်း႐ြာမွာ အခုလိုမ်ိဳးလာေရာက္ျပဳလုပ္ေပးတာကို ေက်းဇူးတင္တယ္။ ေနာက္ထပ္ ေက်း႐ြာမွာ လိုအပ္ေနတဲ့ေနရာမ်ားမွာလည္း ကူညီေပးေစခ်င္တယ္။ အခုေအာင္ျမင္သာ ေက်း႐ြာဟာ အရင္ကလိုမဟုတ္ေတာ့ဘဲ SPIC/ACHC ကုမၼဏီေၾကာင့္ တိုးတက္ေျပာင္းလဲလာတာကိုလဲ ေတြ႕ရပါတယ္ ” ဟု ေအာင္ျမင္သာေက်း႐ြာ အုပ္ခ်ဳပ္ေရးမွဴး ဦးေနာ္ဂ်ာ က ေက်းဇူးတင္စကား၌ ထည့္သြင္းေျပာၾကားခဲ့သည္။
အဆိုပါ အားကစားၿပိဳင္ပြဲ၌ KBC မူႀကိဳေက်ာင္းမွ ရင္ေသြးငယ္ကေလးမ်ား၊ RCလူငယ္မ်ား၊ ကတ္သလစ္လူငယ္မ်ားမွ အခမ္းအနား တက္ေရာက္လာသူမ်ားကို အကအလွမ်ားနဲ႔ေဖ်ာ္ေျဖ တင္ဆက္ေပးခဲ့ၾကသည္။
၄င္း SPIC/ACHC ကုမၸဏီသည္ ေအာင္ျမင္သာေက်း႐ြာအား လွ်ပ္စစ္မီးအခမဲ့ေပးေဝျခင္း၊ ႐ိုးရာ ဂ်ပ္ခုတ္ သင္တန္း၊ လက္မႈအတတ္ပညာ သင္တန္းမ်ား ဖြင့္လွစ္ေပးေနသည့္အျပင္ ေဒသခံျပည္သူမ်ား မိသားစု အပို၀င္ေငြရရွိေစမည့္ တႏိုင္တပိုင္မွသည္ စီးပြားျဖစ္သို႕လုပ္ကိုင္သြားႏိုင္သည့္ သေဘၤာပင္ စိုက္ပ်ိဳးနည္းစနစ္ ျဖန္႕ေ၀ေပးျခင္း ကဲ့သို႕ေသာ လူထုအက်ိဳးျပဳလုပ္ငန္းမ်ားကို စဥ္ဆက္မျပတ္ ေထာက္ပ့ံကူညီလ်က္ရွိသည္။
မိုးေလး
—————————————
ပထမအကြိမ် ပျော်ပွဲရွှင်ပွဲ အားကစားပြိုင်ပွဲ အောင်မြေသာစံပြကျေးရွာတွင်ကျင်းပ
EPN
အောင်မြင်သာ၊ မတ်၁၈
SPIC/ACHCကုမ္မဏီက ကြီးမှူးပြီး ပျော်ပွဲရွှင်ပွဲအားကစားပြိုင်ပွဲကို အောင်မြင်သာစံပြကျေးရွာတွင်ပထမဆုံးအကြိမ်အဖြစ် မတ်လ၁၈ရက်နေ့က ကျင်းပပြုလုပ်ခဲ့သည်။
အားကစားနှင့် ကာယပညာဦးစီးမှူး ဦးရဲထွန်းက “ကျွန်တော်တို့ဌာနအနေနဲ့ အခုပြိုင်ပွဲအတွက်လိုအပ်တဲ့ နည်းပြတွေ၊ အားကစားပစ္စည်းတွေကို ကူညီပေးဖို့ပြောခဲ့ပေမယ့် ကုမ္မဏီက အမှာစကားဘဲပြောကြားပေးဖို့ ပြောတဲ့အတွက် မကူညီလိုက်ရဘူး။ ဌာနအနေနဲ့ကတော့ ကူညီဖို့အဆင်သင့်ပါ။ အားကစားနဲ့ ကာယပညာဦးစီးဌာန အနေနဲ့ ကျေးလက်ရောမြို့ပါမကျန် နွေရာသီအားကစားသင်တန်းတွေ ပို့ချသင်ကြားနေတယ်။ အောင်မြင်သာကျေးရွာမှာလည်း အားကစားနဲ့ပတ်သက်ပြီး လာရောက်ထောက်ပံ့တာ၊ ပြိုင်ပွဲတွေပြုလုပ်သွားဖို့ရှိတယ်”ဟု အဆိုပါအခမ်းအနားတွင် ပြောကြားခဲ့သည်။
အဆိုပါ အားကစားပြိုင်ပွဲတွင် အာလူးကောက်ပြိုင်ပွဲ၊ မီတာ၁၀၀အပြေးပြိုင်ပွဲ အလေးပစ်ပြိုင်ပွဲနှင့် ထိုင်ခုံလုပြိုင်ပွဲစသည့် အားကစားနည်းများကို ယှဉ်ပြိုင်ရမည်ဖြစ်ပြီး ပြိုင်ပွဲတွင် အသက်၃နှစ်မှ အသက်၇၀အရွယ်ထိ ဝင် ရောက်ယှဉ်ပြိုင်နိုင်မည်ဟု သိရသည်။
SPIC /ACHC ကုမ္မဏီမှ မြစ်ကြီးနားတာဝန်ခံ မစ္စတာကျန်းဟုန်းကွေ့ကတော့ “အောင်မြင်သာ စံပြကျေးရွာက လူကြီးတွေကော လူငယ်တွေကော ဉာဏ်ပညာထက်မြတ်စေဖို့၊ ကျန်းမားသန်စွမ်းပျော်ရွှင်စေဖို့ အခုလိုပျော်ပွဲရွှင်ပွဲ အားကစားပြိုင်ပွဲကို လုပ်ပေးရတာဖြစ်တယ်”ဟု ပြောကြားခဲ့ပါသည်။ အဆိုပါပြိုင်ပွဲတွင် ဆုရရှိသူများကို ပထမဆုကို ကျပ် တစ်သိန်း၊ ဒုတိယဆုကို ကျပ် ရှစ်သောင်း၊ တတိဆုကိုကျပ် ခြောက်သောင်းနှင့် အခြားနှစ်သိမ့်ဆုများကိုချီး မြင့်မည် ဟုသိရသည်။
“SPIC/ACHC ကုမ္မဏီအနေနဲ့ ကျေးရွာမှာ အခုလိုမျိုးလာရောက်ပြုလုပ်ပေးတာကို ကျေးဇူးတင်တယ်။ နောက်ထပ် ကျေးရွာမှာ လိုအပ်နေတဲ့နေရာများမှာလည်း ကူညီပေးစေချင်တယ်။ အခုအောင်မြင်သာ ကျေးရွာဟာ အရင်ကလိုမဟုတ်တော့ဘဲ SPIC/ACHC ကုမ္မဏီကြောင့် တိုးတက်ပြောင်းလဲလာတာကိုလဲ တွေ့ရပါတယ် ” ဟု အောင်မြင်သာကျေးရွာ အုပ်ချုပ်ရေးမှူး ဦးနော်ဂျာ က ကျေးဇူးတင်စကား၌ ထည့်သွင်းပြောကြားခဲ့သည်။
အဆိုပါ အားကစားပြိုင်ပွဲ၌ KBC မူကြိုကျောင်းမှ ရင်သွေးငယ်ကလေးများ၊ RCလူငယ်များ၊ ကတ်သလစ်လူငယ်များမှ အခမ်းအနား တက်ရောက်လာသူများကို အကအလှများနဲ့ဖျော်ဖြေ တင်ဆက်ပေးခဲ့ကြသည်။
၎င်း SPIC/ACHC ကုမ္ပဏီသည် အောင်မြင်သာကျေးရွာအား လျှပ်စစ်မီးအခမဲ့ပေးဝေခြင်း၊ ရိုးရာ ဂျပ်ခုတ် သင်တန်း၊ လက်မှုအတတ်ပညာ သင်တန်းများ ဖွင့်လှစ်ပေးနေသည့်အပြင် ဒေသခံပြည်သူများ မိသားစု အပိုဝင်ငွေရရှိစေမည့် တနိုင်တပိုင်မှသည် စီးပွားဖြစ်သို့လုပ်ကိုင်သွားနိုင်သည့် သင်္ဘောပင် စိုက်ပျိုးနည်းစနစ် ဖြန့်ဝေပေးခြင်း ကဲ့သို့သော လူထုအကျိုးပြုလုပ်ငန်းများကို စဉ်ဆက်မပြတ် ထောက်ပံ့ကူညီလျက်ရှိသည်။
မိုးလေး