တစ္လကို ေငြက်ပ္ ၃၀၀၀ နဲ႕ အိမ္တို႕ ရံုးတို႕ အေရာက္ပို႕ေပးပါတယ္။ အခု တစ္ေစာင္ကို ေငြက်ပ္ ၁၀၀ ဆိုေတာ့ တစ္လကို အနည္းဆံုး ေငြက်ပ္ ၄၅၀၀ေလာက္ ေရာင္းမွဘဲ အဆင္ေျပေတာ့မယ္ဗ်ာ၊ ဘာလို႕လဲဆိုေတာ့ အျခားဝန္ေဆာင္မွဳေတြရွိေသးတယ္ေလ” ဟု ေပါက္ကုန္းရပ္ကြက္မွ လက္ရွိသတင္းစာကိုယ္စားလွယ္တစ္ဦးက ေျပာသည္။
နိုင်ငံပိုင်သတင်းစာများ ဈေးနှုန်းပြောင်းလဲတိုးမြှင့်မှုကြောင့် ကိုယ်စားလှယ်များ အခက်တွေ့နေ
EPN
ဗန်းမော်၊ မတ် ၁၂
နိုင်ငံပိုင်သတင်းစာများ ဈေးနှုန်းပြောင်းလဲ တိုးမြှင့်မှုကြောင့် ကိုယ်စားလှယ်များ အခက်တွေ့နေကြောင်း ဗန်းမော်မြို့မှ သတင်းစာဖြန့်ဝေရောင်းချသည့် ကိုယ်စားလှယ်များမှပြောဆိုသည်။
“ကျနော်ဆီမှာ အစိုးရထုတ် နေ့စဉ်သတင်းစာ မြန်မာ့အလင်းနှင့် ကြေးမုံ လစဉ် မှာယူ ဖတ်ရှုသူ ၂၀၀ မှ ၂၃၀ ကြားရှိပါတယ်၊ သတင်းစာ တစ်စောင် ငွေကျပ် ၅၀ တုန်းက တစ်လကို ငွေကျပ် ၃၀၀၀ နဲ့ အိမ်တို့ ရုံးတို့ အရောက်ပို့ပေးပါတယ်။ အခု တစ်စောင်ကို ငွေကျပ် ၁၀၀ ဆိုတော့ တစ်လကို အနည်းဆုံး ငွေကျပ် ၄၅၀၀ လောက် ရောင်းမှဘဲ အဆင်ပြေတော့မယ်ဗျာ၊ ဘာလို့လဲဆိုတော့ အခြားဝန်ဆောင်မှုတွေ ရှိသေးတယ်လေ” ဟု ပေါက်ကုန်းရပ်ကွက်မှ လက်ရှိသတင်းစာကိုယ်စားလှယ်တစ်ဦးက ပြောသည်။
လက်ရှိဗန်းမော်မြို့နယ်တွင် အစိုးရထုတ်သတင်းစာ မြန်မာ့အလင်းနှင့်ကြေးမုံ လစဉ် ဝယ်ယူဖတ်ရှုသူ ဦးရေ ၅၀၀ နီးပါး ရှိကြောင်း သိရသည်။ ဧပြီလ မှ စတင်၍ အစိုးရ သတင်းစာများ ဈေးနှုန်းပြောင်းလဲ တိုးမြှင့်မည့်သတင်းကြောင့် မှာယူဖတ်ရှုသူ လျော့နည်းလာမည်ကို သတင်းစာ ကိုယ်စားလှယ်များ စိုးရိမ်လျှက်ရှိနေသည်။
” နိုင်ငံပိုင် သတင်းစာများကို ဧပြီလမှစပြီး တစ်စောင်ကို ငွေကျပ် ၅၀ မှ ၁၀၀ အထိ ဈေးနှုန်းပြောင်းလဲတိုးမြှင့်မယ်လို့ သိရပါတယ်၊ လက်ရှိ မြန်မာ့အလင်း၊ ကြေးမုံသတင်းစာကို တစ်လကို
ငွေကျပ် ၃၀၀၀ ဖြင့် အိမ်/ရုံး အရောက် ဖြန့်ဝေပို့ဆောင်ရောင်းချပေးနေပါတယ်။ တစ်စောင် ၁၀၀ ကျပ် ဆိုတော့ တစ်လ ငွေကျပ် ၄၀၀၀ နဲ့ဖြန့်ဝေသွားမှာဖြစ်ပါတယ်။ မှာယူတဲ့သူတွေကို ပြန်ပြောပြတဲ့အခါ တချို့က ၄၀၀၀ ဆိုရင် မယူတော့ဘူးလို့ ပြောပါတယ်ဗျာ၊ ဘယ်တတ်နိုင်မလဲဗျာ” ဟု မင်းကုန်းရပ်ကွက်မှ သတင်းစာကိုယ်စားလှယ် တစ်ဦးကလည်း ပြောသည်။
ဗန်းမော်မြို့ ညောင်ပင်ရပ်ကွက် မှ မြန်မာ့အလင်းနှင့် ပြည်ထောင်စုနေ့စဉ်သတင်းစာ ဖြန့်ေ၀ ရောင်းချသူ ကိုယ်စားလှယ်တစ်ဦးကလည်း “သတင်းစာတွေ အရှုံးခံရောင်းနေကြတယ်ဆိုတာ ကြားနေရပါတယ်။ အချို့ဂျာနယ်တိုက်တွေဆိုရင် ပိတ်ကုန်ကြပြီ၊ ပြည်ထောင်စုနေ့စဉ် သတင်းစာဆိုရင် တစ်စောင်လျှင် ငွေကျပ် ၁၀၀ ဖြင့်ရောင်းခဲ့တာကြာပါပြီ၊ ဒါတောင် သတင်းစာကို အရှုံးခံ၍ထုတ်ဝေနေတုန်းပဲလေ၊ သတင်းစာ ဈေးတက်ပြီးဆိုတော့ ဘာပဲဖြစ်ဖြစ် ဝယ်ဖတ်သူ နည်းလာမှာတော့ အမှန်ပဲဗျာ” ဟု ပြောသည်။
ပြန်ကြားရေးဝန်ကြီးဌာန၊ သတင်းနှင့် စာနယ်ဇင်းလုပ်ငန်းနှင့် နေ့စဉ်ထုတ်ဝေလျှက်ရှိသော မြန်မာ့အလင်း၊ ကြေးမုံသတင်းစာများနှင့် ပုဂ္ဂလိကနှင့် အကျိုးတူပူးပေါင်းထုတ်ဝေလျှက်ရှိသော The Globel New Light of Myanmar သတင်းစာတို့၏ ပင်ရင်းဈေးနှုန်း တစ်စောင်လျှင် ငွေကျပ် ၅၀ ဈေးနှုန်းဖြင့် ရောင်းချလျှက်ရှိရာမှ ၂၀၁၉ ခုနှစ် ဧပြီလ ၁ ရက်နေ့မှစတင် ၍ ငွေကျပ် ၁၀၀ နှုန်းဖြင့် ရောင်းချသွားမည်ဖြစ်ကြောင်း မတ်လ ၁၀ ရက်နေ့ထုတ် မြန်မာ့အလင်း သတင်းစာ၏ စာမျက်နှာ ၃၂ တွင် ဖော်ပြထားသည်။
ဗန်းမော် သုခမိန်