အိန္ဒိယတပ်မတော်မှ တပ်မတော်သို့ လှူဒါန်းသော COVISHIELD ကာကွယ်ဆေး doses (၁)သိန်း ရောက်ရှိ
EPN
မြစ်ကြီးနား၊ ဖေဖော်ဝါရီ ၂၁
အိန္ဒိယတပ်မတော်မှ တပ်မတော်သို့ လှူဒါန်းသော COVISHIELD ကာကွယ်ဆေး doses (၁)သိန်းသည် မြန်မာအပြည်ပြည်ဆိုင်ရာ လေကြောင်းလိုင်း(MAI) ခရီးစဉ်အမှတ် HM-621 လေယာဉ်ဖြင့် ယမန်နေ့ ညပိုင်းက ရန်ကုန်အပြည်ပြည်ဆိုင်ရာ လေဆိပ်သို့ ရောက်ရှိ ခဲ့ကြောင်း ပြန်ကြားရေး၀န်ကြီးဌာန သတင်းထုတ်ပြန်ထားသည်။
လေယာဉ်ဖြင့် ရောက်ရှိလာသော COVISHIELD ကိုဗစ်-၁၉ ကာကွယ်ဆေးများကို ရန်ကုန်တိုင်းဒေသကြီး၊ ဒဂုံမြို့နယ် မြို့မကျောင်းလမ်းရှိ နယ်မြေခံ ဆေးသိုလှောင်ရေးတပ်မှ တာဝန်ရှိသူများက လေဆိပ်တွင် လွှဲပြောင်းလက်ခံ ရယူခဲ့ကြောင်း ဖော်ပြထားသည်။
အဆိုပါ COVISHIELD ကိုဗစ်-၁၉ ကာကွယ်ဆေးသည် ဆေးတစ်ပုလင်းလျှင် လူ(၁၀)ယောက်အထိ ထိုးနိုင်ပြီးလူဦးရေ doses (၁)သိန်းအတွက်ဖြစ်ပြီး ဒဂုံမြို့နယ် မြို့မကျောင်းလမ်းရှိ နယ်မြေခံ ဆေးသိုလှောင်ရေးတပ်(စတိုခွဲ)သို့ ပို့ဆောင်ထားရှိမည်ဖြစ်ကြောင်း ဖော်ပြထားသည်။
၀လုံး