ပင်ပန်းကြမ်းတမ်းမှုနှင့် သက်စွန့်တာဝန်စရိတ်အတွက် မြန်မာနိုင်ငံရဲတပ်ဖွဲ့ဝင်များကို လစဉ်ကြေးအဖြစ် တစ်ဦးလျှင် တစ်သောင်းကျပ် ထောက်ပံ့သွားမည်
EPN
မြစ်ကြီးနား ၊ ဇူလိုင် ၂၅
မြန်မာနိုင်ငံရဲတပ်ဖွဲ့ဝင်များအား ပင်ပန်းကြမ်းတမ်းမှုနှင့် သက်စွန့်တာဝန်စရိတ်အတွက် တစ်ဦးလျှင် တစ်သောင်းကျပ် ထောက်ပံ့ပေးသွားမည်ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာနမှ ထုတ်ပြန်ထားသည်။
ပြီးခဲ့သည့် ဇူလိုင်လ ၂၂ရက်နေ့တွင် ပြုလုပ်သည့် ပြည်ထောင်စုသမ္မတ မြန်မာနိုင်ငံတော်၊ စီးပွားရေးရာကော်မတီအစည်းအဝေး(၆/၂၀၂၂)၏အစည်းဝေးဆုံးဖြတ်ချက်အရ ၎င်းထောက်ပံ့ကြေးကိုအတည်ပြုခဲ့ခြင်းဖြစ်ကြောင့် ယနေ့ ဇူလိုင် ၂၅ ရက်နေ့တွင် ထုတ်ပြန်ထားသည်။
ယင်းကဲ့သို့ထောက်ပံ့ပေးရခြင်းမှာ မြန်မာနိုင်ငံရဲတပ်ဖွဲ့များမှ နိုင်ငံရေးမတည်မငြိမ်ဖြစ်နေသည့်အချိန် အကြမ်းဖက်မှုအမျိုးမျိုးတို့မှ ပြည်သူများအားလုံခြုံမှုရရှိစရန် ၊ပြည်သူများ၏စည်းစိမ်ဥစ္စာများကို အသက်စွန့်ကာကွယ် စောင့်ရှောက်မှုများလုပ်ဆောင်ပေးခြင်းအတွက် ထောက်ပံပေးရခြင်းဖြစ်ကြောင်း သိရသည်။
မြန်မာနိုင်ငံရဲတပ်ဖွဲ့ဝင်များအား ပင်ပန်းကြမ်းတမ်းမှုနှင့် သက်စွန့်တာဝန်စရိတ် ထောက်ပံ့ငွေ တစ်သောင်းကျပ်အား လာမည့် ဩဂုတ်လမှစ၍ ထောက်ပံ့ပေးသွားမည်ဖြစ်ကြောင်း ထုတ်ပြန်ထားသည်။
လင်းယုန်