တရုတ်နိုင်ငံသည် ပြည်ပမှ ဝင်ရောက်လာသော ခရီးသည်များအတွက် ကွာရန်တင်း ကန့်သတ်ချက်ကို ရုတ်သိမ်း

EPN

နိုင်ငံတကာ၊ ဒီဇင်ဘာ ၂၇

တရုတ်နိုင်ငံသည် ဇန်နဝါရီ ၈ ရက်မှစတင်၍ ပြည်ပမှရောက်ရှိလာသော ခရီးသည်များအတွက် ကိုဗစ်-၁၉ သီးသန့်ခွဲထားရန် သတ်မှတ်ချက်ကို လျှော့ချပေးလိုက်ကြောင်း အမျိုးသားကျန်းမာရေးကော်မရှင်က ယမန်နေ့က ကြေညာခဲ့သည်။

ဇန်နဝါရီ ၈ ရက်မှစ၍ လာရောက်လည်ပတ်သူများသည် ၄၈ နာရီအတွင်းစစ်ဆေးထားသည့် အနုတ်လက္ခဏာ PCR စမ်းသပ်မှုကိုသာ ပြသရန် လိုအပ်မည်ဖြစ်ကြောင်း အမျိုးသားကျန်းမာရေးကော်မရှင်က ကြေညာချက်တွင် ဖော်ပြထားသည်။

သုံးနှစ်နီးပါကြာ တင်းကျပ်ထားခဲ့သည့် ဗိုင်းရပ်စ်ထိန်းချုပ်ရေးအစီအမံများကို ဖြေလျော့ပေးခဲ့ခြင်းသည် ၂၀၂၀ အစောပိုင်းကတည်းက ပိတ်ထားခဲ့သည့် ၎င်း၏နယ်စပ်များဖွင့်လှစ်ခြင်းအတွက် အဓိကခြေလှမ်းတစ်ရပ်ဟု ပြောကြားခဲ့သည်။

အလုပ်နှင့် စီးပွားရေး ကဲ့သို့သော တရုတ်နိုင်ငံသို့ လာရောက်မည့် နိုင်ငံခြားသားများအတွက် အစီအစဉ်များ ပိုမိုကောင်းမွန်လာရန်အတွက် လိုအပ်သော ဗီဇာများကိုလည်း ဆောင်ရွက်ပေးသွားမည် ဖြစ်ကြောင်း အာဏာပိုင်များက ပြောကြားခဲ့သည်။

နယ်စပ်ကုန်သွယ်ရေးစခန်းများအပါအဝင် ပင်လယ်ပြင်နှင့် ကုန်းတွင်းဆိပ်ကမ်းများတွင် ခရီးသည်ဝင်ထွက်ခြင်းများကို တဖြည်းဖြည်း ပြန်လည်စတင်မည်ဖြစ်ပြီး တရုတ်နိုင်ငံသားများ၏ ထွက်ခွာသွားလာမှုကိုလည်း “စည်းစနစ်တကျ” ပြန်လည်ထားရှိမည်ဖြစ်ကြောင်း ပြောကြားခဲ့သည်။

တရုတ်နိုင်ငံသည် COVID ကို အစုလိုက်အပြုံလိုက် ကုသရန် နောက်ဆုံး ကြိုးပမ်းခဲ့သည့် အဓိကနိုင်ငံဖြစ်ပြီး ၎င်း၏ထိန်းချုပ်မှုအစီအမံများသည် ရာစုနှစ်တစ်ဝက်နီးပါးအတွင်း နိုင်ငံ၏ အနိမ့်ဆုံးတိုးတက်မှုနှုန်းသို့ရောက်ရှိသွားခဲသလို ဒေါ်လာ ၁၇ ထရီလီယံစီးပွားရေးကို နှောင့်နှေးစေခဲ့ပြီး ကမ္ဘာ့ထောက်ပံ့ရေးကွင်းဆက်များနှင့် ကုန်သွယ်မှုကို အနှောင့်အယှက်ဖြစ်စေခဲ့သည်။

— ကိုးကား —

AFP

Ref; China to end COVID quarantine for incoming passengers