မြစ်ကြီးနားမြို့မ စည်ပင်စျေး COVID-19 ကာကွယ်ရေးအတွက် ညစဥ်ဆေးဖြန်း
EPN
မြစ်ကြီးနား၊ မတ် ၂၅
ယင်းဆေးဖြန်းခြင်းလုပ်ငန်းကို (မတ် ၂၀)နေ့က စတင်ဆောင်ရွက်ခဲ့ပြီး မြစ်ကြီနားစည်ပင်စျေး(၁)၊ စျေး(၂)နှင့် ရေစင်ကွင်းစျေးများအတွင်းတွင် နေ့စဥ်ညဆိုင်ပိတ်သိမ်းသည့်အချိန်၌ စတင်ဆေးဖြန်းလေ့ ရှိကြောင်း မြစ်ကြီးနားမြို့နယ် စည်ပင်သာယာရေးအဖွဲ့မှ အမှုဆောင်အရာရှိ ဦးလှမိုးကဆိုသည်။
“ကြိုတင်ကာကွယ်တဲ့ အနေနဲ့ဖြန်းတယ်။ ညမှ ဖြန်းတယ်ဆိုင်တွေ သိမ်းတဲ့အခါပေါ့၊ ဆေးက အရမ်းပြင်းတော့ ညဖြန်းလို့ပဲရတယ်’။ စည်ပင်ဝန်ထမ်းတွေနဲ့ ဖြန်းတယ်။ ဖြန်းတဲ့ဆေးကတော့ ရေမှာကလိုရင်း (၂)ရာခိုင်နှုန်း ဖျော်စပ်ပြီးဖြန်းတယ်’ဟု ဦးလှမိုးက ပြောသည်။
ထို့ပြင် မြို့နယ်စည်ပင်သာယာရေးအဖွဲ့ အနေဖြင့် မြစ်ကြီးနားမြို့တွင်း လူစည်ကားသည့်နေရာအချို့တွင် လက်ဆေးသန့်စင်ရန် basin များ ပြုလုပ်ထားရှိခြင်း ကိုလည်းဆောင်ရွက်လျက်ရှိကြောင်း သိရသည်။
လက်ရှိတွင် စျေးများကို ပုံမှန်အတိုင်းဖွင့်လှစ်လျက်ရှိပြီး COVID-19အခြေအနေဆိုးဝါးလာပါက အထက်မှ ညွန်ကြားချက်အတိုင်းသာ ဆောင်ရွက်သွားမည်ဖြစ်ကြောင်း သိရသည်။
လွမ်းအောင်