ဗန်းမော်၌ လူစည်ကားသည့် ဈေးများ၌ နှာခေါင်းစည်းများ ဝေငှပြီး အသိပညာပေးဆောင်ရွက်နေ
EPN
ဗန်းမော်၊ မေ ၂၂
အဆိုပါ အဖွဲ့သည် မေ ၂၂ ရက် နံနက် ၈ နာရီမှစတင်၍ ဗန်းမော်မြို့၊ ကမ်းနားလမ်းဈေး၊ ကုက္ကိုလ်တောဈေး၊ အမှတ်(၂)ဈေး၊ အမှတ်(၁)ဈေးတို့၌ ဈေးအတွင်းနှင့်ဈေးအပြင် လမ်းတို့တွင် ဖြတ်သန်းသွားလာနေကြသူများ၊ ဈေးရောင်းနေကြသူများ ၊ ဈေးဝယ်နေကြသူများအား နှာခေါင်းစည်းများ အခမဲ့ဝေငှပေးခြင်း၊ နှာခေါင်းစည်းတပ်ကြရန် အသိပညာပေးခြင်း၊ COVID-19 ရောဂါကြိုတင် ကာကွယ်နိုင်ရေး အသိပညာပေးလက်ကမ်းစာစောင်ဝေငှခြင်းများ ပြုလုပ်ခဲ့သည်။
ယင်းသို့ အသိပညာပေးဆောင်ရွက်နေရာ၌ ပြည်နယ်လွှတ်တော် ကိုယ်စားလှယ် ဦးဇော်သင်း၊ မြို့နယ်အုပ်ချုပ်ရေးမှူး ဦးစိုးမြင့်လှိုင်၊ မြို့နယ်ရဲတပ်ဖွဲ့မှူး ရဲမှူးဝင်းမြင့်၊ အမှတ် (၁၀၀) ယာဉ်ထိန်းရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာများ၊ ကြက်ခြေနီတပ်ဖွဲ့ဝင်များ၊ ဗန်းမော်မြို့နယ် အမျိုးသားဒီမိုကရေစီ အဖွဲ့ချုပ်ပါတီဝင်များ၊ ရပ်ကွက်အုပ်ချုပ်ရေးမှူးများ ပူးပေါင်းဆောင်ရွက်ခဲ့ကြောင်း သိရသည်။
ချိုမောင်