ကမ္ဘာ့ဆန်တင်ပို့မှု အများဆုံး (၁၀)နိုင်ငံတွင် မြန်မာနိုင်ငံပါဝင်
EPN
မြစ်ကြီးနား၊ ဖေဖော်ဝါရီ ၂၆ (၂၀၂၄)
၂၀၂၃ -၂၀၂၄ ခုနှစ် ကမ္ဘာ့ဆန်တင်ပို့မှု အများဆုံး (၁၀)နိုင်ငံတွင် မြန်မာနိုင်ငံမှ ဆန်တင်ပို့မှု အများဆုံး အဆင့် ၈ ချိတ်ခဲ့ကြောင်း Seasia stats သတင်းဖော်ပြချက်အရ သိရသည်။
အဆိုပါ၂၀၂၃ – ၂၀၂၄ ခုနှစ်တွင် ဆန်တင်ပို့မှုအများဆုံး စာရင်း၀င်များမှာ အိန္ဒိယနိုင်ငံ၊ ထိုင်းနိုင်ငံ၊ ဗီယက်နမ်နိုင်ငံ၊ ပါကစ္စတန်နိုင်ငံ၊ အမေရိကန်နိုင်ငံ၊ တရုတ်နိုင်ငံ၊ ကမ္ဘောဒီယားနိုင်ငံ၊ မြန်မာနိုင်ငံ၊ ဘရာဇီးနိုင်ငံ၊ ဥရုဂွေးနိုင်ငံ တို့ဖြစ်သည်။
မြန်မာနိုင်ငံအနေဖြင့် ၂၀၂၃ -၂၀၂၄ခုနှစ်တွင် ပြည်ပသို့ ဆန်မက်ထရစ်တန်ချိန် ၁၈၀၀ကျော် တင်ပို့ခဲ့ပြီး၊ မြန်မာနိုင်ငံမှ အင်ဒိုနီးရှား၊ ဖိလစ်ပိုင်၊ တရုတ်၊ စပိန်၊ ဗီယက်နမ်၊ United Kingdom၊ အင်ဒိုနီးရှား စသည့် နိုင်ငံများသို့ အဓိကထား တင်ပို့လျက်ရှိကြောင်း သိရသည်။
ယခုနှစ်၂၀၂၄ -၂၀၂၅ ဘဏ္ဍာရေးနှစ်တွင်လည်း ပြည်ပသို့ ဆန်တန်ချိန် (၂) သိန်းကျော် တင်ပို့ရန်လျာထားကြောင်း မြန်မာနိုင်ငံဆန်စပါး အသင်းချုပ်မှ သိရသည်။
မြန်မာနိုင်ငံ ဆန်စပါးအသင်းချုပ် အနေဖြင့် ပြည်ပသို့ ဆန်တန်ချိန် များများတင်ပိုနိုင်ရန်ထက် ဝင်ငွေပိုရသည့် ဆန်ကွဲ၊ ဆန်ဖြူနှင့် ပေါင်းဆန် အပါအဝင် တန်ဖိုးမြင့်ဆန်များကို ဦးစားပေး တင်ပို့ရောင်းချနိုင်ရန် စီစဉ်လျက်ရှိကြောင်း သိရသည်။
ကသစ်