ပြည်နယ်နှင့် တိုင်း အသက် (၂၅)နှစ်အောက် ဘောလုံးပြိုင်ပွဲ အုပ်စုအဖွင့်ပွဲစဥ် ကချင်ပြည်နယ်အသင်း အနိုင်ရရှိ
EPN
နေပြည်တော်၊ မတ် ၁၆ (၂၀၂၄)
နေပြည်တော်၌ ကျင်းပလျက်ရှိသည့် ၂၀၂၃ – ၂၀၂၄ ခုနှစ် ပြည်နယ်နှင့်တိုင်း အသက် (၂၅)နှစ်အောက် ဘောလုံး (အမျိုးသား)ပြိုင်ပွဲ၏ အုပ်စုအဖွင့်ပွဲစဥ်တွင် ကချင်ပြည်နယ်အသင်းက ဂိုးပြတ်အနိုင်ရရှိခဲ့ကြောင်း သိရသည်။
ကချင်ပြည်နယ်အသင်းသည် ယမန်နေ့ မတ် ၁၅ ရက်၊ နေ့လည် ၃ နာရီက နေပြည်တော်ရှိ ဝဏ္ဏသိဒ္ဓိ ဘောလုံးအားကစားကွင်း၌ တနင်္သာရီတိုင်းအ သင်းနှင့် ယှဥ်ပြိုင်ကစားခဲ့ပြီးနောက် ၅ ဂိုး ၃ ဂိုးရလဒ်ဖြင့် အနိုင်ရရှိခဲ့ခြင်းဖြစ်ကြောင်း သိရသည်။
ယနေ့ မတ် ၁၆ ရက်၊ နေ့လည် ၃ နာရီတွင်လည်း အုပ်စုပွဲစဥ်များအဖြစ် နေပြည်တော်ရှိ လေ့ကျင့်ရေးကွင်းအမှတ် (၁)တွင် ပဲခူးတိုင်းအသင်းနှင့်ရှမ်းပြည်နယ်အသင်း၊ လေ့ကျင့်ရေးကွင်းအမှတ် (၃)တွင် ကရင်ပြည်နယ်အသင်းနှင့် မန္တလေးတိုင်းအသင်းတို့ ဆက်လက်ယှဉ်ပြိုင် ကစားသွားမည်ဖြစ်ကြောင်း သိရသည်။
၂၀၂၃ – ၂၀၂၄ ခုနှစ် ပြည်နယ်နှင့်တိုင်း အသက် (၂၅)နှစ်အောက်ဘောလုံး (အမျိုးသား)ပြိုင်ပွဲအား မျိုးဆက်သစ် ဘောလုံးအားကစားသမားများ ပေါ်ထွက်လာစေရန်နှင့် ဘောလုံးအားကစားအဆင့်အတန်း တိုးတက်မြင့်မားလာစေရန် ရည်ရွယ်၍ နေပြည်တော်ရှိ ဝဏ္ဏသိဒ္ဓိအားကစား လေ့ကျင့်ရေးကွင်းအမှတ် (၁)နှင့် (၃)တို့တွင် မတ် ၁၄ ရက်မှ ၂၉ ရက်အထိ အသင်းပေါင်း ၁၃ သင်းဖြင့်ကျင်းပလျက်ရှိကြောင်း သိရသည်။
ကျော်စိုးသူ