စျေးများ အမြန်ဆုံးဖွင့်လှစ်နိုင်ရေး စည်းကမ်း သတ်မှတ်ချက်များ လိုက်နာမည် ဖြစ်ကြောင်း စျေးသူစျေးသားများ ကတိပြုလက်မှတ်ရေးထိုး
EPN
မိုးကောင်း၊ မေ ၂၈
“ဈေးကပိတ်ထားရတာကြာတော့ ဈေးသည်အများစုမှာ စားဝတ်နေရေးအခက်အခဲရှိလာတဲ့အတွက် သတ်မှတ်ချက်တွေနဲ့အညီ ဈေးတွေအမြန်ဆုံးဖွင့်လှစ်နိုင်ဖို့ဆောင်ရွက်ပေးနေပါတယ်”ဟု မြို့နယ် စည်ပင် အမှုဆောင်အရာရှိ ဦးမျိုးဌေးက ဆိုသည်။
သတ်မှတ်ချက် စည်းကမ်း အချက်(၈)ချက်ကို လိုက်နာမည်ဖြစ်ကြောင်း ဈေးသူ/သား များမှ ဝန်ခံကတိပြုလက်မှတ်ရေးထိုးကြရာတွင် မိုးကောင်းမြို့မဈေးရှိ မှတ်ပုံတင်ဆိုင်ခန်း (၉၈၂)ခန်း၊ ပျံကျဈေးသည် (၂၆၀)ဦးခန့်၊ ဆားမှော်ဈေးရှိ မှတ်ပုံတင်ဆိုင်ခန်း (၆၂)ခန်း၊ ပျံကျဈေးသည် (၈၀)ဦးခန့်၊ ပင်းဘောဈေးရှိ မှတ်ပုံတင်ဆိုင်ခန်း (၂၉)ခန်း၊ ပျံကျဈေးသည် (၆၀)ဦးခန့် ပါဝင်ကြောင်း သိရသည်။
ထို့အပြင် ပြည်နယ်လွှတ်တော်ကိုယ်စားလှယ် ဒေါ်မြသွေးစံ၊ မြို့နယ် COVID-19 ထိန်းချုပ်ရေးနှင့် အရေးပေါ်တုန့်ပြန်ရေးကော်မတီ ဥက္ကဋ္ဌ မြို့နယ်အုပ်ချုပ်ရေးမှူး ဦးရန်နိုင်ထွန်း၊ အတွင်းရေးမှူး မြို့နယ် ဆေးရုံအုပ်ကြီးဒေါက်တာကောင်းမြတ်စံနှင့် ကော်မတီဝင်များမှ လည်းမိုးကောင်းမြို့မဈေးကြီး ပြန်လည်ဖွင့်လှစ်ရန် ပြင်ဆင်ထားရှိမှုကို ထပ်မံစစ်ဆေးခဲ့ေကြာင်း သိရသည်။
ချိုမောင်