ရှိန်းခေါင်ဒေသဘက်တွင် ရေခဲကျဆင်းမှု ယခုနှစ်နည်းပါး
EPN
ပူတာအို၊ ဇန်နဝါရီ ၁၂ (၂၀၂၄)
ကချင်ပြည်နယ်၊ ပူတာအိုခရိုင်၊ ရှိန်းခေါင် ဒေသဘက်တွင် ယခုနှစ် ရေခဲကျဆင်းမှုး နည်းပါးလာကြောင်း ရှိန်းခေါင်ဒေသခံများထံမှ သိရသည်။
ပူတာအိုခရိုင်၊ မဂွေဇ၊ ခေါင်လန်ဖူး၊ ရှိန်းခေါင်ဒေသတို့တွင် နှစ်စဉ် ရေခဲကျဆင်းမှုပမာန ယခုနှစ်တွင် လျော့နည်းလာကြောင်း ရှိန်းခေါင်ဒေသခံပြည်သူတ၏်ဦက ပြောသည်။
” ကျွန်တော်တို့ ဒေသဘက်မှာ ရေခဲကျဆင်းမှုကတော့ ပုံမှန်မရှိဘူး။ လေးငါးနှစ်မှတစ်ကြိမ် ရေခဲများတာတွေ ဖြစ်တယ်။ ဒီနှစ်မှာတော့ နည်းတယ်လို့ ပြောလို့ရတယ် ” ဟု ၎င်းကရှင်းပြသည်။
ကချင်ပြည်နယ်အတွင်း သဘာဝ ရေ၊ မြေ၊ တောတောင်နှင့် မြစ်ချောင်းအင်းအိုင်များ သဘာဝသစ်တောများ ပြုန်းတီးမှုများ ရှိလာခဲ့၍ ဆယ်စုနှစ်တစ်စုအတွင်း ရေခဲကျဆင်းမှု ဧရိယာ လျော့နည်းလာခြင်းဖြစ်ကြာင်း သဘာဝပတ်ဝန်းကျင် လေ့လာသုံးသပ်သူတစ်ဦးက ဆိုသည်။
” အရင်တုန်းကတော့ ကျွန်တော်တို့ပြည်နယ်က ရာသီဉတု ကောင်းတယ်။ နွေရယ်လို့မရှိဘူး ဆောင်းနဲ့ မိုးဉတုပဲ ရှိတာ။ ဆယ်စုနှစ် တစ်ခုအတွင်းမှာ သဘာဝ ရေ၊ မြေ၊ တော၊ တောင် ၊ သစ်တောတွေ၊ မြစ်ချောင်းတွေ ပြုန်းတီးပျက်စီးလာတော့ ရေခဲတောင်တွေမှာ ရေခဲကျဆင်းမှု လျော့နည်းလာသလို ရေခဲဧရိယာတွေလည်း နှစ်စဉ်လျော့လာခြင်းဖြစ်တယ် ” ဟု ၎င်းကရှင်းပြသည်။
ကချင်ပြည်နယ်အတွင်းရှိ ရေခဲတောင်များတွင် နှစ်စဉ် ဒီဇင်ဘာလမှ မတ်လအထိ ရေခဲနှင့် မြူနှင်းများ ကျဆင်းချိန်ဖြစ်ပြီး၊ အနယ်နယ်အရပ်ရပ်မှ ရေခဲတောင်တက် ခရီးသည်များလည်း လည်ပတ်သည့် ပြည်နယ်တစ်ခုလည်း ဖြစ်သည်။
မြတ်မင်း