ကိုရိုနာဗိုင်းရပ်စ် ကူးစက်မှုမြင့်တက်နေလင့်ကစား အင်ဒိုနီးရှားက စီးပွားရေးလုပ်ငန်းများကို ပြန်ဖွင့်တော့မည်
EPN
နိုင်ငံတကာ၊ မေ ၃၀
စီးပွားရေးလုပ်ငန်းများ ပြန်လည်စတင်မှုကို ကိုရိုနာဗိုင်းရပ်စ် ကူးစက်မှုနှုန်း အဆင့်-၁ အောက်ရှိ ဧရိယာ များဖြစ်သော အစိမ်းရောင်ဇုန်များတွင် ဉီးစားပေးမည်ဟု ကုန်သွယ်ရေးဝန်ကြီးဌာန၏ ပြောကြားချက်အရ သိရ သည်။ လက်ရှိတွင် ဂျကာတာမြို့တော်အပါအဝင် ပြည်နယ်ရှစ်ခုတွင် အစိမ်းရောင်ဇုန် ၁၀၀ ဝန်းကျင်ရှိသည်။ ဗ ဟိုဂျာဗားပြည်နယ်၏မြို့တော် ဆီမာရန်းမြို့တော်မှာ စီးပွားရေးလုပ်ငန်းများ ပြန်လည်စတင်ရန် အသင့်ဖြစ်ဆုံး နေရာတစ်ခုဟု မှတ်ယူရကြောင်း ကုန်သွယ်ရေးဝန်ကြီး အေဂတ်စ်စူပါမန်တိုက ထုတ်ပြန်ချက်တစ်ခုအတွင်း ပြော ကြားခဲ့သည်။
ကူးစက်မှုနှုန်း အဆင့်-၁ ဆိုသည်မှာ ကူးစက်လူနာ ၁၀ ဉီးက ပျမ်းမျှ လူ ၁၀ ဉီးကို ကူးစက်သည်ဟု ခန့် မှန်းခြင်းကို ဆိုလိုသည်။ အင်ဒိုနီးရှားနိုင်ငံတွင် ကိုရိုနာဗိုင်းရပ်စ်ကြောင့် လူ ၁၅၂၀ ဉီး သေဆုံးခဲ့ရာ အရှေ့တောင် အာရှတွင် သေဆုံးမှုအမြင့်ဆုံးဖြစ်သည်။ မေလအတွင်း ကိုရိုနာဗိုင်းရပ်စ် ကူးစက်မှုသစ် နှစ်ဆကျော်လာခဲ့ပြီး ယ မန်နေ့က ကူးစက်မှု စုစုပေါင်း ၂၅၂၁၆ အထိ ရောက်ရှိလာခဲ့သည်။
ဂျကာတာမြို့တော်နှင့် ကပ်လျက်ရှိရာ အ နောက်ဂျာဗားပြည်နယ်တွင် စီးပွား ရေးလုပ်ငန်းများ ပြန်လည်စတင်ခြင်းက စီးပွားရေးအတွက် သိသိသာသာ အ ထောက်အကူပြုကြောင်း စူပါမန်တို က ပြောသည်။
စက်မှုဇုန်အများအပြားရှိသည့် အနောက်ဂျာဗားပြည်နယ်မှာ ယခုနှစ် ပထမသုံးလအတွင်း အင်ဒိုနီးရှား နိုင်ငံ၏ စီးပွားရေးအတွက် တတိယအများဆုံး ထောက်ပံ့သည့်ပြည်နယ်ဖြစ်ကြောင်း စာရင်းအင်းဗျူရို၏ ပြော ကြားချက်အရ သိရသည်။ ဇွန်လ ၁ ရက်တွင် အကောင်အထည်ဖော်ရန် သတ်မှတ်ထားသော ပထမအဆင့်အရ ကျန်းမာရေးထုတ်ကုန်များ ရောင်းချသည့် ဆိုင်များကိုသာ လုပ်ကိုင်ခွင့်ပြုမည်ဖြစ်သည်။
အခြားကုန်ပစ္စည်းများ ရောင်းချသည့် စတိုးဆိုင်များက ဇွန်လ ၈ ရက်တွင် စတင်ရန်စီစဉ်ထားသည့် ဒုတိယအဆင့်တွင် လုပ်ငန်းလည် ပတ်နိုင်သည်။
အလှပြင်ဆိုင်များ၊ ပြတိုက်များ၊ ဖျော်ဖြေရေးနေရာများကို ဇွန်လ ၁၅ ရက်တွင် စတင်လုပ်ကိုင်ခွင့်ပြုမည် ဖြစ်ပြီး ဘားများ၊ ကဖေးဆိုင်များကို ဇူလိုင်လ ၆ ရက်တွင် ဖွင့်လှစ်ခွင့်ပြုမည်ဖြစ်သည်။
အင်ဒိုနီးရှားအစိုးရက သြ ဂုတ်လအစောပိုင်းတွင် စီးပွားရေးလုပ်ငန်းအားလုံး ပြန်လည်စတင်ရန် မျှော်မှန်းထားသည်။
–ကိုးကား–
ဘလွန်းဘဂ်
Indonesia to open malls, entertainment sites as coronavirus cases rise