တောင်ကိုရီးယားမှာ ကြီးမားတဲ့ အမေရိကန် ဆန့်ကျင်ရေးဖြစ်ပွားခဲ့
EPN
နိုင်ငံတကာ၊ သြဂုတ် ၁၉
တောင်ကိုရီးယား မြို့တော် ဆိုးလ်မြို့လယ်ခေါင်မှာ ပြီးခဲ့တဲ့ စနေနေ့က ကြီးမားတဲ့ အမေရိကန်ဆန့်ကျင်ရေး ဆန္ဒပြမှုတွေ ဖြစ်ပွားခဲ့ပါတယ်။
အဆိုပါဆန္ဒပြပွဲကို ပါဝင်ခဲ့တဲ့ လစ်ဘရယ်တက်ကြွလှုပ်ရှားသူ တွေဟာ အခုလကုန်ပိုင်းမှာ ပြုလုပ်မဲ့ တောင်ကိုရီးယား-အမေရိကန် ပူတွဲစစ်ရေးလေ့ကျင့်မှုကို အပြင်အထန်ကန့်ကွက် ဆန္ဒပြခဲ့ကြတာပါ။
ဆန္ဒပြသူတွေဟာ လမ်မတွေပေါ်ကို ထွက်ကာ အမေရိကန်ဆန့်ကျင်ရေး ကြွေးကျော်သံတွေနဲ့အတူ “တောင်ကိုရီးယား – အမေရိကန် မဟာမိတ်ကို ဖျက်သိမ်းပါ” “‘ဒီမြေဟာ အမေရိကန် စစ်အခြေစိုက်စခန်းမဟုတ်” လို့ တောင်းဆိုခဲ့ကြပါတယ်။
တက်ကြွလုပ်ရှားသူတွေဟာ မိုကာအင်္ကျီတွေကို ဝတ်ဆင်ထားကြပြီး ” စစ်ပွဲအလိုမရှိ၊ အမေရိကန် အလိုမရှိ” ဆိုတဲ့ ဆိုင်းဘုတ်နဲ့အတူ အမေရိကန်ပြည်ထောင်စုကို ဝေဖန်တဲ့ စာတမ်းတွေကို ကိုင်ဆောင်ထားကြပါတယ်။
တောင်ကိုရီးယား အလုပ်သမားသမဂ္ဂများ အဖွဲ့ချုပ် (KCTU) ရဲ့ အကြီးအကဲ Yang Kyung-soo က စစ်ပွဲအတွက် ပြင်ဆင်တဲ့ စစ်ရေးလေ့ကျင့်မှုဟာ စစ်ပွဲကိုဖိတ်ခေါ်နေတဲ့ ရည်ရွယ်ချက်နဲ့ တူညီတယ်လို့ ဆန္ဒပြပွဲအတွင်းမှာ ပြောကြားခဲ့ပါတယ်။
KCTU အဖွဲ့ဝင်အချို့ဟာ နိုင်ငံတစ်ဝှမ်းရှိ အမေရိကန်စစ်အခြေစိုက်စခန်းများအနီးမှာ ယခုလအစောပိုင်းကလည်း တပ်စွဲထားတဲ့ အမေရိကန်တပ်တွေကို ရုပ်သိမ်းပေးဖို့ တောင်ဆိုဆန္ဒပြခဲ့ကြတယ်လို့ ဆိုပါတယ်။
လက်ရှိ တောင်ကိုရီးယားတွင် အမေရိကန်စစ်သား ၂၈,၅၀၀ ခန့် တပ်စွဲထားကြောင်း သိရှိရပါတယ်။
source – Xinhua