နည်းဗျူဟာမြောက် နျူလက်နက်တွေ သယ်ဆောင်နိုင်တဲ့ ခရုဇ်ဒုံးကျည်တွေ ဖြန့်ကျက်ချထားတယ်လို့ မြောက်ကိုရီးယားက ပြော

Spread the love

EPN

နိုင်ငံတကာ၊ အောက်တိုဘာ ၁၃

မြောက်ကိုရီးယားခေါင်းဆောင် ကင်ဂျုံအန်း သည် တာဝေးပစ် ဗျူဟာမြောက် ခရုဇ်ဒုံးကျည်နှစ်စင်း ပစ်လွှတ်မှုကို ကြီးကြပ်ခဲ့ကြောင်း နိုင်ငံပိုင်မီဒီယာက ကြာသပတေးနေ့တွင် ဖော်ပြခဲ့ပြီး စမ်းသပ်မှုသည် ဖြန့်ကျက်ချထားသည့် နျူကလီးယားလက်နက်များ၏ ယုံကြည်စိတ်ချရမှုနှင့် လုပ်ဆောင်ချက်ကို အတည်ပြုရန် စမ်းသပ်မှုအဖြစ် ဖော်ပြခဲ့သည်။

ဗုဒ္ဓဟူးနေ့တွင် ပြုလုပ်ခဲ့သည့် အဆိုပါ စမ်းသပ်ပစ်ခတ်မှုသည် နည်းဗျူဟာမြောက် နျူကလိယ စစ်ဆင်ရေးအတွက် ကိုရီးယားပြည်သူ့တပ်မတော်သို့ ချထားပေးသည့် ခရုဇ်ဒုံးကျည်များ၏ တိုက်ခိုက်ရေးစွမ်းရည်နှင့် စွမ်းအားကို မြှင့်တင်ရန် ရည်ရွယ်ခြင်းဖြစ်ကြောင်း နိုင်ငံပိုင်မီဒီယာ Korea Central News Agency (KCNA) က ပြောကြားခဲ့သည်။

စမ်းသပ်ပစ်ခတ်မှုသည် ရန်သူများကို နောက်ထပ်ရှင်းလင်းသောသတိပေးချက်ဖြစ်ကြောင်း အလေးပေးပြောကြားခဲ့ပြီး “နိုင်ငံသည် အရေးကြီးသောစစ်ရေးအကျပ်အတည်းနှင့် စစ်ပွဲအကျပ်အတည်းကို အချိန်မရွေးတားဆီးနိုင်စေရန် နျူကလီးယားဗျူဟာမြောက်လက်နက်ကိုင်တပ်ဖွဲ့များ၏ စစ်ဆင်ရေးနယ်ပယ်ကို ဆက်လက်ချဲ့ထွင်သင့်သည်ဟု ဆိုသည်။

ကင်ဂျုံအွန်သည် လွန်ခဲ့သည့် သီတင်းနှစ်ပတ်အတွင်း တောင်ကိုရီးယားကို ပစ်မှတ်ထားသည့် နျူကလီးယားနည်းဗျူဟာ လေ့ကျင့်မှုကို လမ်းညွှန်ခဲ့ပြီး တောင်ကိုရီးယားနှင့် အမေရိကန်တပ်ဖွဲ့များ၏ လတ်တလော ပူးတွဲရေတပ်စစ်ရေးလေ့ကျင့်မှုအပေါ် ကန့်ကွက်ကြောင်း ပြောကြားခဲ့သည်။

ဗုဒ္ဓဟူးနေ့က စမ်းသပ်ပစ်ခတ်ခဲ့သော ဒုံးကျည်နှစ်စင်းသည် ကီလိုမီတာ ၂,၀၀၀ (မိုင် ၁၂၄၀) အကွာရှိ ပစ်မှတ်ကို ရှင်းရှင်းလင်းလင်း ထိမှန်ရန် ၁၀,၂၃၄ စက္ကန့်ကြာ ပျံသန်းခဲ့ကြောင်း KCNA က ဖော်ပြခဲ့သည်။

မြောက်ကိုရီးယား၏ လက်နက်ဆိုင်ရာ လှုပ်ရှားမှုများနှင့်ပတ်သက်သည့် သတင်းအချက်အလက်များကို မကြာခဏ စောင့်ကြည့်ပြီး ထုတ်ပြန်လေ့ရှိသည့် တောင်ကိုရီးယား၊ ဂျပန် သို့မဟုတ် အမေရိကန်ရှိ အာဏာပိုင်များက ဒုံးကျည်ပစ်လွှတ်မှုကို တွေ့ရှိခြင်း ရှိ၊ မရှိ ချက်ခြင်း မရှင်းလင်းနိုင်ကြသေးပါ။

မြောက်ကိုရီးယားသည် မဟာဗျူဟာမြောက် ခရုဇ်ဒုံးကျည်ကို ၂၀၂၁ ခုနှစ် စက်တင်ဘာလတွင် ပထမဆုံးစမ်းသပ်ခဲ့ပြီး ထိုအချိန်က နိုင်ငံ၏ပထမဆုံးသော နျူကလီးယားလက်နက်အဖြစ် လေ့လာသုံးသပ်သူများက မြင်ကြသည်။

ခရုဇ်ဒုံးပျံများသည် မကြာသေးမီက မြောက်ကိုရီယားမှ တီထွင်ထုတ်လုပ်ခဲ့သော အသေးစားလက်နက်များထဲမှဖြစ်ပြီး ဒုံးကျည်ကာကွယ်ရေးကို ပိုမိုကောင်းမွန်စွာ ရှောင်လွှဲနိုင်သည်ဟု ရှုမြင်ကြသည်။

နျူကလီးယားဗုံးများ တပ်ဆင်နိုင်သည့် ခရုစ်ဒုံးကျည်များနှင့် တာတိုပစ်ပဲ့ထိန်းဒုံးကျည်များသည် မည်သည့် ထိပ်ဖူးကို တပ်ဆင်ထားကြောင်း ရှင်းရှင်းလင်းလင်း မသိရသေးသောကြောင့် မြောက်ကိုရီးယား နှင့် တောင်ကိုရီးယားတို့သည် အထူးမတည်မငြိမ်ဖြစ်နေသည်ဟု လေ့လာသုံးသပ်သူများက ပြောကြားခဲ့သည်။

— ကိုးကား —

AFP

REF; North Korea says it has deployed cruise missiles able to carry tactical nuclear weapons