မြန်မာ – ထိုင်း နှစ်နိုင်ငံ စီးပွားရေးပူးပေါင်းဆောင်ရွက်မှု မြှင့်တင်ရန် UMFCCI ဥက္ကဋ္ဌနှင့် ထိုင်းအသံအမတ်ကြီးတို့ ဆွေးနွေး
EPN
ရန်ကုန်၊ ဇန်နဝါရီ ၁၈ (၂၀၂၄)
မြန်မာ – ထိုင်း နှစ်နိုင်ငံ စီးပွားရေးပူးပေါင်းဆောင်ရွက်မှု မြှင့်တင်ရန် UMFCCI ဥက္ကဋ္ဌ ဦးအေးဝင်းနှင့် မြန်မာနိုင်ငံဆိုင်ရာ ထိုင်းအသံအမတ်ကြီးတို့ ယမန်နေ့ ဇန်နဝါရီ ၁၇ ရက်နေ့၊ နံနက်ပိုင်းက တွေ့ဆုံဆွေးနွေးခဲ့ကြောင်း သိရသည်။
UMFCCI ဥက္ကဋ္ဌဦးအေးဝင်းနှင့် တာဝန်ရှိသူများအား မြန်မာနိုင်ငံဆိုင်ရာ ထိုင်းအသံအမတ်ကြီးနှင့် တာဝန်ရှိသူများက UMFCCI အသင်းချုပ်ရုံး၌ လာရောက်တွေ့ဆုံခဲ့ကြခြင်း ဖြစ်သည်။
ယင်းကဲ့သို့ တွေ့ဆုံပြီးနောက် မြန်မာ – ထိုင်း နှစ်နိုင်ငံ ချစ်ကြည်ရင်းနှီးမှုနှင့်စီးပွားရေးပူးပေါင်းဆောင်ရွက်မှု မြှင့်တင်ရေး၊ ကုန်သွယ်မှုကဏ္ဍ တိုးမြှင့်ရေး၊ နယ်စပ်ကုန်သွယ်မှု အားကောင်းစေရေး၊ စီးပွားရေးတိုးချဲ့ရေးနှင့် ရင်းနှီးမြှုပ်နှံမှု ဖွံ့ဖြိုးတိုးတက်စေရေး တို့အတွက် ဆွေးနွေးခဲ့ကြသည်။
ယင်းအပြင် စားသောက်ကုန်၊ လူသုံးကုန်ပစ္စည်းများ၊ နို့နှင့် နို့ထွက်ပစ္စည်းများအပါအဝင် ပို့ကုန်၊ သွင်းကုန်ကဏ္ဍအတွက် သယ်ယူပို့ဆောင်ရေးလမ်း ကြောင်းများ အဆင်ပြေချောမွေ့စေရေး၊ ခရီးသွားကဏ္ဍ မြှင့်တင်ရေးနှင့် အခြေခံအဆောက်အအုံများ မြှင့်တင်ရေးတို့ကိုလည်း ဆွေးနွေးခဲ့ကြကြောင်း သိရသည်။
ကျော်စိုးသူ