မိုးေကာင္း-ဖားကန္႔ ကားလမ္းေဘးတြင္ ေတြ႕ရွိေသာ လက္လုပ္မိုင္းတစ္လံုးအားဖ်က္ဆီး
EPN
မိုးေကာင္း၊ မတ္ -၂၄
ကခ်င္ျပည္နယ္မိုးေကာင္းၿမိဳ႕နယ္ မန္ရြက္ေက်းရြာအုပ္စု (၈)မိုင္ေက်းရြာအေနာက္ဘက္ မိုးေကာင္း-ဖားကန္႔ ကားလမ္းေဘးတြင္မတ္ (၂၄) ရက္ မြန္းလႊဲတစ္နာရီခြဲအခ်ိန္ကေတြ႕ရွိေသာလက္လုပ္မိုင္းတစ္လံုးကိုဖ်က္ဆီးခဲ့ၿပီျဖစ္ေၾကာင္းသိရသည္။
အဆိုပါမိုင္းကို တပ္မ(၃၃)လက္ေအာက္ခံ ခ လ ရ(၇၆)မွဗိုလ္ႀကီးေအာင္ေဇာ္ထက္ဦးစီးအဖြဲ႕မွညေန (၅)နာရီခန္႔၌သြားေရာက္ကာမိုင္းအားသက္မဲ့ျပဳလုပ္၍ဖ်က္ဆီးေျမျမဳပ္ခဲ့ေၾကာင္းသိရသည္။
ယင္းမိုင္းကို ႐ွစ္မိုင္ေက်းရြာေန ဦးညီညီမွဆိတ္ေက်ာင္းသြားရာကားလမ္း၏ဝဲဘက္ေဘး၌မိုင္းတစ္လံုး ေတြ႔ရွိျဖင့္သက္ဆိုင္ရာသို႔အေၾကာင္းၾကားခဲ့ေၾကာင္းမိုင္း၏အ႐ြယ္အစားမွာ အလ်ား(၈)လက္မ၊ အခ်င္း(၄)လက္မရွိကားပစ္စတင္ျဖင့္ျပဳလုပ္ကာအေဝးထိန္းရီမုျဖင့္ေဖါက္ခြဲရေသာမိုင္းေဟာင္းတစ္လံုးျဖစ္ေၾကာင္းသိရသည္။
ခ်ိဳေမာင္
———————————————
မိုးကောင်း-ဖားကန့် ကားလမ်းဘေးတွင် တွေ့ရှိသော လက်လုပ်မိုင်းတစ်လုံးအားဖျက်ဆီး
EPN
မိုးကောင်း၊ မတ် -၂၄
ကချင်ပြည်နယ်မိုးကောင်းမြို့နယ် မန်ရွက်ကျေးရွာအုပ်စု (၈)မိုင်ကျေးရွာအနောက်ဘက် မိုးကောင်း-ဖားကန့် ကားလမ်းဘေးတွင်မတ် (၂၄) ရက် မွန်းလွှဲတစ်နာရီခွဲအချိန်ကတွေ့ရှိသောလက်လုပ်မိုင်းတစ်လုံးကိုဖျက်ဆီးခဲ့ပြီဖြစ်ကြောင်းသိရသည်။
အဆိုပါမိုင်းကို တပ်မ(၃၃)လက်အောက်ခံ ခ လ ရ(၇၆)မှဗိုလ်ကြီးအောင်ဇော်ထက်ဦးစီးအဖွဲ့မှညနေ (၅)နာရီခန့်၌သွားရောက်ကာမိုင်းအားသက်မဲ့ပြုလုပ်၍ဖျက်ဆီးမြေမြုပ်ခဲ့ကြောင်းသိရသည်။
ယင်းမိုင်းကို ရှစ်မိုင်ကျေးရွာနေ ဦးညီညီမှဆိတ်ကျောင်းသွားရာကားလမ်း၏ဝဲဘက်ဘေး၌မိုင်းတစ်လုံး တွေ့ရှိဖြင့်သက်ဆိုင်ရာသို့အကြောင်းကြားခဲ့ကြောင်းမိုင်း၏အရွယ်အစားမှာ အလျား(၈)လက်မ၊ အချင်း(၄)လက်မရှိကားပစ်စတင်ဖြင့်ပြုလုပ်ကာအဝေးထိန်းရီမုဖြင့်ဖေါက်ခွဲရသောမိုင်းဟောင်းတစ်လုံးဖြစ်ကြောင်းသိရသည်။
ချိုမောင်