မန်းရွှေစက်တော်ဘုရားနယ်မြေအတွင်း ငါးမိုင်းခွဲရာက အမျိုးသားနှစ်ဦး ထိခိုက်ဒဏ်ရာများရရှိ
မကွေး၊ ဇွန် ၃
မကွေးတိုင်းဒေသကြီး၊ မင်းဘူး(စကုမြို့နယ်)ဘုရားကျေးရွာ အရှေ့တောင်ဘက်(၅)ဖာလုံအကွာရှိ မန်းရွှေစက် တော်ဘုရားနယ်မြေငှက်ပျောဝအနီးမန်းချောင်းအတွင်း ငါးမိုင်းခွဲရာက အမျိုးသားနှစ်ဦး ထိခိုက်ဒဏ်ရာရရှိမှု ဇွန်လ ၂ ရက် ညနေ ၃ နာရီခွဲအချိန်က ဖြစ်ပွားခဲ့သည်။
၎င်းတို့နှစ်ဦးမှာ ပွင့်ဖြူမြို့နယ် ဝဲဒေါင့်ကျေးရွာနေထိုင်သူ ကိုလင်းလင်းမိုး(၃၇)နှစ်နှင့် မင်းဘူး(စကုမြို့နယ်) ဘုရား ကျေးရွာနေထိုင်သူ ဘုရားအရံစောင့်ဝန်ထမ်းမောင်ဦး(ခ)အောင်ဇော်နိုင် (၂၅) နှစ်တို့ဖြစ်ကြောင်း မန်းရွှေစက်တော်ဘုရား ဂေါပကအဖွဲ့အတွင်းရေးမှူး ဦးခင်မောင်စိုးထံကသိရသည်။
ပေါက်ကွဲမှုကြောင့် ဘုရားအရံစောင့်ဝန်ထမ်းမောင်ဦးတွင် ယာဘက်ဖနောင့်ပေါက်ပြဲဒဏ်ရာများရရှိခဲ့ပြီး ကိုလင်းလင်းမိုးမှာ ခန္ဓာအနှံ့ပေါက်ပြဲဒဏ်ရာများရရှိခဲ့ကြောင်းသိရသည်။
ထိခိုက်ဒဏ်ရာရရှိခဲ့သူနှစ်ဦးကို မင်းဘူးဆေးရုံသို့ ပို့ဆောင်ထားရှိထားကြောင်းသိရပြီး ဖြစ်စဉ်နှင့်ပတ်သက်၍ လင်းလင်းမိုးကို(ပ)၁၇၇/၂၀၂၀ ရာဇသတ်ကြီးပုဒ်မ ၂၈၆ ဖြင့် အမှုရေးဖွင့်ထားကြောင်း သိရသည်။
သက်နောင်(မင်းလှ)